Jambyl oblysynyń politsiiasy oqýshyny zorlady degen kúdikpen er adamǵa qatysty qylmystyq isti tergep jatyr, dep habarlaidy QazAqparat.
Jambyl oblysynda on eki jasar qyzdy 35 jastaǵy er adamnyń zorlaǵany týraly aqparat tarady. Jaǵa ustatatrlyq jait Merki aýdanynda oryn alǵan. Taraǵan málimette kúdiktiniń mektep oqýshysymen Instagram áleýmettik jelisinde tanysqandyǵy aitylýda.
Máseleniń mán-jaiyn bilý úshin oblystyq politsiia departamentiniń baspasóz qyzmetine habarlasqanymyzda, Merki aýdanynyń politsiia bólimine Jambyl oblystyq balalar aýrýhanasyna Merki aýylynyń kámeletke tolmaǵan turǵyny júgingeni týraly habarlama túskendigin málim etti.
«Sotqa deiingi tergeý aiasynda birqatar tergeý áreketteri men qajetti saraptamalar júrgizildi. Atalǵan derekke qatysty Merki APB QR QK 120-baby boiynsha sotqa deiingi tergeý amaldaryn bastady. QR QIJK 201-babyna sáikes tergeý múddesinde istiń mán-jaiy jariia etilmeidi», - delingen vedomstvo habarlamasynda.
