Foto: gov.kz
Májilistiń Áleýmettik-mádeni damý komitetiniń tóraǵasy Ashat Aimaǵambetov komitet otyrysynda kitaphanalardy tsifrlandyrý jaily aitty, dep habarlaidy BAQ.KZ agenttigi.
"Ártúrli mereitoilarǵa baǵyttalǵan 20-40 tomdyq kitap shyǵaryldy. Ony baiaǵydan eshkim oqymaidy. Barlyǵy kitaphanalarda bar. Mereitoiǵa dep sony qaita jinaqtap, taǵy da 20 tom qylyp muqabasyn ádemilep shyǵaramyz. Ókinishke qarai, aqsha sonda ketedi. Bul máseleni de biz jasyrmai aitýymyz kerek. Bul boiynsha bizge jańa tártip kerek. Mereitoi, mereke bolsa, klassik bolyp ketken aǵalarymyzdyń jumysy shyǵady. Al jastardy qoldaý tys qalyp jatady. Qazirgi ýaqytta Qytai ǵylymi-fantastikaǵa qoldaý jasaidy. Bizde ondai jumys bar ma, joq pa?" - dedi Aimaǵambetov.
Sondai-aq depýtat kitaphanalardy tsifrlandyrý jumysy jaily aitty.
"Aýdanda jumys istegen kezimde ár kitaphana skanerdi ashyp, kitapty PDF-ke ainaldyrady. Qazaqstanda neshe kitaphana bar, solardyń barlyǵy kerek emes jumysty jasaidy. Bir kitapty 150 kitaphana PDF-ke aýdarady. Ol tsifrlandyrýǵa jatpaidy. Biz qazir jańa elekrondy formattarǵa kóshýimiz kerek", - dedi ol.
