فوتو: gov.kz
مەجٸلٸستٸڭ ەلەۋمەتتٸك-مەدەني دامۋ كوميتەتٸنٸڭ تٶراعاسى اسحات ايماعامبەتوۆ كوميتەت وتىرىسىندا كٸتاپحانالاردى تسيفرلاندىرۋ جايلى ايتتى, دەپ حابارلايدى BAQ.KZ اگەنتتٸگٸ.
"ەرتٷرلٸ مەرەيتويلارعا باعىتتالعان 20-40 تومدىق كٸتاپ شىعارىلدى. ونى باياعىدان ەشكٸم وقىمايدى. بارلىعى كٸتاپحانالاردا بار. مەرەيتويعا دەپ سونى قايتا جيناقتاپ, تاعى دا 20 توم قىلىپ مۇقاباسىن ەدەمٸلەپ شىعارامىز. ٶكٸنٸشكە قاراي, اقشا سوندا كەتەدٸ. بۇل مەسەلەنٸ دە بٸز جاسىرماي ايتۋىمىز كەرەك. بۇل بويىنشا بٸزگە جاڭا تەرتٸپ كەرەك. مەرەيتوي, مەرەكە بولسا, كلاسسيك بولىپ كەتكەن اعالارىمىزدىڭ جۇمىسى شىعادى. ال جاستاردى قولداۋ تىس قالىپ جاتادى. قازٸرگٸ ۋاقىتتا قىتاي عىلىمي-فانتاستيكاعا قولداۋ جاسايدى. بٸزدە ونداي جۇمىس بار ما, جوق پا?" - دەدٸ ايماعامبەتوۆ.
سونداي-اق دەپۋتات كٸتاپحانالاردى تسيفرلاندىرۋ جۇمىسى جايلى ايتتى.
"اۋداندا جۇمىس ٸستەگەن كەزٸمدە ەر كٸتاپحانا سكانەردٸ اشىپ, كٸتاپتى PDF-كە اينالدىرادى. قازاقستاندا نەشە كٸتاپحانا بار, سولاردىڭ بارلىعى كەرەك ەمەس جۇمىستى جاسايدى. بٸر كٸتاپتى 150 كٸتاپحانا PDF-كە اۋدارادى. ول تسيفرلاندىرۋعا جاتپايدى. بٸز قازٸر جاڭا ەلەكروندى فورماتتارعا كٶشۋٸمٸز كەرەك", - دەدٸ ول.
