QR Táýelsizdik merekesi kúnderi Qazaqstannyń kóliktegi ishki ister departamenti kúsheitilgen jumys rejimine aýysady, dep habarlaidy "Ult aqparat".
«15-18 jeltoqsan aralyǵynda QR IIM kóliktegi IID jeke quramy mereke kúnderindegi qaýipsizdikti qamtamasyz etý maqsatynda kúsheitilgen jumys rejiminde jumys isteidi», - dep jazylǵan QR IIM Kóliktegi ishki ister departamentiniń habarlamasynda.
Atalmysh is-sharaǵa vedomstvonyń barlyq kúsh-quraly jumyldyrylǵan.
Departament basshysynyń orynbasary Talǵat Ótetileýovtyń aitýynsha, mereke kúnderi kóliktegi politseiler áýe jáne temir jol qyzmetin paidalanatyn jolaýshylardyń qaýipsizdigin qamtamasyz etedi. 800-dei tártip saqshysy áýejailar men temirjoldardaǵy qoǵamdyq tynyshtyqty kúzetetin bolady. Sonymen birge, qylmystyń aldyn alý, urlyq, alaiaqtyq isterdiń izin sýytpai ashý jumystary jedel júzege asyrylady.
Qosymsha jedel-tergeý toptary qylmys oryn alǵan jerlerge jyldam jetip, atalǵan jumystarǵa kinologiialyq ortalyqtardyń qyzmettik itterin de paidalanady.
Ótetileýovtyń aitýynsha, qazir Astana-1 jáne Astana «Nurly jol» vokzaldarynyń ishi-syrtynda 600-den astam baqylaý kamerasy jumys istep tur.
