Sinoptikter 30 sáýir - 2 mamyr aralyǵynda aýa raiy qandai bolatynyn aitty, dep habarlaidy "Ult aqparat" «Qazgidromet» RMK baspasóz qyzmetine silteme jasap.
Mereke kúnderi Qazaqstan aýmaǵyndaǵy aýa raiyn tez ózgeretin atmosferalyq protsester anyqtaidy. Elimizdiń soltústik jáne ońtústik óńirlerine tsiklon áser etedi, saldarynan kei jerlerde naizaǵai oinap, jańbyr jaýady.
Biraq respýblikanyń batys bóligine Qara teńizden keletin antitsiklon áser ete bastaidy. Ol shyǵysqa qarai yǵysyp, jaýyn-shashynnyń toqtaýyna jáne respýblikanyń basym bóliginde aýa temperatýrasynyń tómendeýine ákeledi.
