Qazirgi ýaqytta Qazaqstanda 34 adam meningokokk infektsiiasyn juqtyrdy degen kúdikten aýrýhanaǵa jatqyzyldy, olardyń jeteýi reanimatsiiada, dep habarlaidy Baq.kz aqparat agenttigi.
Qazaqstannyń Densaýlyq saqtaý ministri Eljan Birtanov Qazaqstanda meningokokk infektsiiasyn juqtyrǵan adamdar týraly málimetterdi naqtylady.
«Jalpy alǵanda, búginge deiin 128 adam osy infektsiiaǵa bailanysty aýrýhanaǵa jatqyzyldy. Olardyń 82-si jazylyp shyqty, 12 adam qaitys boldy. Áli 34 patsient emdelip jatyr, olardyń jeteýi reanimatsiiada» dedi Birtanov.
Ol aýrýdyń kóbine Almatyda taralyp otyrǵanyn aitty. Jyl basynan beri Almatyda 80 adam meningokokk infektsiiasy boiynsha kúdikpen aýrýhanaǵa jatqyzyp, olardyń 35-inde aýrý rastalmaǵan.
«Búginde 13 naýqas tekserilý ústinde. Tekserý bes táýlikke deiin zerthanalyq túrde júredi. 32 adamda aýrý rastalyp, olardyń altaýy qaitys boldy» dep málimdedi ministr.
Búgin Qazaqstanda meningitten taǵy eki adam qaitys boldy. Olardyń bireýi Qyzylorda turǵyny bolsa, ekinshisi almatylyq. Ekeýiniń de jasy 27-de bolǵan.
