Foto: Videodan skrinshot
Qyz mektepten qaityp, podezge jaqyndaǵan sátte er adam oǵan kelip, moinynan qushaqtamaq bolǵan. Qoryqqan oqýshy ony iterip jiberip, podezge qarai júgirip kirgen. Bul týraly Ult.kz Jagdai kz telegram arnasyna silteme jasap habarlaidy.Alaida er adam onyń artynan erip, belinen ustap, «páterge birge baraiyq» dep usynys jasaǵan. Jasóspirim qyz onyń qolynan áreń bosap shyǵyp, úiine júgirip kirip úlgergen. Anasy birden politsiia shaqyrǵan.
Oqiǵa ornyna kelgen ýchaskelik inspektorlar kúdiktiniń týystarynyń qarsylyǵyna tap bolǵan. Ótinish ieleriniń aitýynsha, politsiia isti tirkeýge asyqpaǵan, «zorlaý bolmaǵanyn» alǵa tartqan, alaida er adamnyń qyzdy qushaqtap jatqan sáti túsirilgen videoaiǵaq bar.
Talǵar aýdandyq politsiiasy áli kúnge deiin qylmystyq isti tirkemegen. Qoǵam ókilderi men quqyq qorǵaýshylar baqylaýdy kúsheitip, prokýratýranyń aralasýyn talap etip otyr.
