Kabýldaǵy terakt kezinde qaza tapqan Erlan Jampeiisovtiń áriptesi ári dosy Mýstafo Harýti qaiǵyly oqiǵa týraly tolyq málemetterdi aityp berdi, - dep habarlaidy Tengrinews.kz saityna silteme jasaǵan NUR.KZ.
Mýstafo bergen málimetterge súiensek, Erlan Kabýlǵa bailanys jáne telekommýnikatsiia salasyndaǵy jumystary boiynsha barǵan eken. Ol dosy týraly "jaýynger boldy" degen aqparattardy joqqa shyǵardy. Eger Erlan terrorist bolsa, qonaqúiden bólme almas edi degendi aitady.
Erlan Jampeiisov Aýǵanstandaǵy telekýmmýnikatsiia boiynsha qyzmet etip, onda kelisim jasasý úshin barypty. Ol aqpan aiynda týǵan eline oralýy kerek bolǵan. Alaida jaýyngerler shabýyly ony degenine jetkizbepti.
Óleriniń aldynda ǵana Erlan Mýstafoǵa "Abike, meniń esigime oq atty" degen SMS joldapty. Harýtidiń aitýynsha, marqum jaýyngerler kirip kelgen sátte kómek surap nemese qashyp úlgere almai qalǵan bolýy múmkin.
Erlannyń artynda kishkentai eki balasy jetimsirep qaldy. Sol perzentterin asyraý úshin de azamat otty jerge ketken bolatyn.
"Ol barlyǵyn sońyna deiin jetkizgisi keletin. Biz ony Aýǵanstanǵa barmaýǵa kóndirmek boldyq. Biraq ol "Men barmasam, kim barady? Munyń bárin men bitiremin" dep ketip qaldy", - deidi Mýstafo.
Marqumnyń dosy men áriptesteri endi aýǵan tarapymen máseleniń basyn ashýǵa barmaqshy. Sebebi Erlan qonystanǵan qonaqúi Aýǵanstandaǵy eń qaýipsiz jer bola tura, ondaǵy qyzmetkerler nege shetel azamattaryn kúzetpegenine ashýly.
