© Photo: Press-slýjba Pervogo Prezidenta Kazahstana
Qazaqstannyń Tuńǵysh Prezidenti Nursultan Nazarbaev belgili rejisser Oliver Stoýnǵa bergen suhbatynda otstavkasy jaily aitty, dep habarlaidy Sputnik Qazaqstan.
Nazarbaev tanymaldyǵy eń sharyqtaý shyńyna jetkende prezidenttikten ketkenin málimdedi. Ol 2015 jylǵy sailaýda 95 protsent daýys jinaǵanyn eske aldy. Aitýynsha, bul - sol kezdegi eń úlken, múmkin emes kórsetkish.
"Biraq meni máńgi prezident retinde qaldyrý jaily sóz boldy. Árine, men buǵan kelisken joqpyn. Men bilikten múlde ketkim keldi. Al maǵan "máńgi qal" dedi. Men "qalmaimyn, sailaý ótkizeiik" dedim. Qaýipsizdik keńesinde, saiasi partiiada qalýǵa jáne sol arqyly eldiń damýyna atsalysýǵa daiyn ekenimdi bildirdim. Olar osyǵan kelisip, Konstitýtsiialyq zań qabyldady", - dedi Nazarbaev "Qazaq: history of the golden man" derekti filminde.
Ol qazir parlament qabyldaǵan zańdar arqyly óz statýsyn júzege asyryp jatqanyn atap ótti.
"Eldi jańa prezident basqarady, men oǵan aralaspaimyn", - dedi Elbasy.
"Ol sizdiń partiiadan ǵoi, durys pa?, - dep surady Oliver Stoýn.
"Iá. Men oǵan kedergi keltirmeimin, kerisinshe, qajet bolǵanda oǵan keńes beremin", - dep jaýap berdi Nazarbaev.
"Biraq, halyqqa bilik shyn máninde kimniń qolynda ekeni únemi qyzyq qoi?", - dep surady Stoýn.
"Prezidenttiń qolynda. Onyń ókilettigi Konstitýtsiiada jazylǵan", - dedi Elbasy.
