Meni kólik syilap kútip alady dep úmittengenim de joq – Nariman Qurbanov

Foto: Sali Sabirov

Gimnast Nariman Qurbanov Parij Olimpiadasynda kúmis júldege ie bolǵan soń, ony qalai qarsy alǵandary jaily suhbat berdi, dep habarlaidy "Ult aqparat" Naizanews paraqshasyna silteme jasap. 

Jýrnalistiń «Sizdi Qazaqstanda qalai qarsy aldy? Eldos Smetovke kólik pen páter syilap jatqanyn kórdik. Ózińizdi nazardan tys qaldym dep oilamaisyz ba?» degen suraǵyna Qurbanov: 

«Men eshqashan sýperchempion sekildi qarsy alady dep kútpedim. Bizdiń elde kúres, boks, dziýdo aldyńǵy qatardaǵy sport túrleri, sol sebepti ol jaqqa kóp qarajat bólinedi. Biz, gimnastshylar – sonshalyqty bai federatsiia emespiz. Sportymyz da keremet tanymal emes. Sol sebepti kólik tartý etip, qarsy alady dep úmittengen joqpyn. Biraq meni halyqtyń kelip, qarsy alǵanyna kóńilim tolady», – dep jaýap berdi.

Nariman Qurbanov kóshesinde asfalt bolmaǵanyn aitady.

Nariman Qurbanov tutqaly at jattyǵýynda kúmis medal alyp, Qazaqstan tarihyndaǵy gimnastikadan alǵashqy Olimpiada medalin jeńip alǵan edi.