«kunnews.kz» – basyna is túsip, qujattyq kedergilerge jolyǵyp, kómek surai kelgen oralman azamattardyń janaiqaiyn jetkizýdi jón kórdi, dep jazady aqparattyq portal.
Qazaqstan Respýblikasynyń
Ishki ister ministri
Qalmuhanbet Qasymovqa!
Qurmetti Qalmuhanbet Nurmuhanbetuly!
Qytai Halyq Respýblikasynyń azamaty, ulty qazaq Sabyrǵali Soltansháripuly (15.04.1956 jyly týǵan) men jubaiy Taraqan Saǵatbekqyzy (15.09.1956 jyly týǵan) 2016 jyldyń 27 sáýirinde Qazaqstan Respýblikasyna kóship kelip, Aqmola oblysy Ereimentaý aýdany Kúnshalǵan aýylyna turaqtaǵan. Ol kezde vizalyq ruqsat ýaqyty sol jyldyń 13 jeltoqsanyna deiin bolǵan.
Kóship kele sala Aqmola oblysy Ereimentaý aýdandyq kóshi-qon politsiiasyna turaqty tirkelý úshin qujattaryn daiyndap barǵan kezde «Qytaiǵa, Beijińge baryp sottalmaǵandaryńyz týraly anyqtama ákelesizder» dep birneshe ret qaitaryp jibergen.
Qytai úkimeti zańynda ondai anyqtama berý týraly esh tarmaqta jazylmaǵandyqtan, ózideriniń Qytai elindegi týyp-ósken aýdanyndaǵy politsiia mekemesinen «buryn sottalmaǵan» degen anyqtama ákelse, ony bul jaqtaǵylar jaramsyz dep tapqan.
Eki aiaǵy saldanyp, qzdiginen júre almaityn syrqatqa shaldyqqan otaǵasynyń qazirgi aýrý jaǵdaiy kórgen adamnyń janyn aýyrtady. Tirkelý problemasyna syrqat qosylǵan bul otbasy aýyr halden qalai shyǵý jolyn tappai daǵdarýda.
Sóitip eki ortada bir jarym jyldyń ústinde sandalǵan bul kisiler qazir tyǵyryqqa tirelip otyr.
Eki aiaǵynan jan ketip, saldaný aýrýyna shaldyqqan otaǵasy Sabyrǵali Soltansháripuly qujattardy jinaýǵa shamasy kelmei qalady. Sońynda Ereimentaý aýdandyq kóshi-qon politsiiasy bul isti aýdandyq sotqa beredi.. Al aýdandyq sot: «ÁQBT QRK 517 babynyń 4 bóligimen kináli» dep tanyp, oǵan on bes ailyq eseptik kórsetkish kóleminde 36075 teńge aiyppul salý» jóninde sheshim shyǵarǵan.
Bul qaýlyny alǵan olar aiyppuldy tólep, Aqmola oblysynyń ishki ister departementine turaqty tirkeýge qoiý týraly ótinishpen barǵanda olar: «Qytaiǵa shyǵyp ketý vizasyn ashyp beremiz. Sosyn, Qazaqstan Respýblikasyna kez-kelgen vizamen aiyppuldy tólegen sátten bastap 1 (bir) jyl ótkennen keiin kelýińiz qajet» dep shyǵaryp salady.
Qazaqstanda turaqty qalý úshin otbasymen kóship kelip alǵan bul azamattar endi qaida bararyn, ne isterin bilmei basy qatýda.
Qytaiǵa qaitsa, ol jaqtyń qazir júrgizip jatqan asa qiyn saiasatynyń salqyny tiip, túrmege qamalamyz ba dep qorqady.
Sizden bul istiń ádil sheshimin taýyp, atalǵan azamattardyń Otanynda qalýyna járdem etýińizdi suraimyz!
