Foto: Tengrinews.kz
Kóligi órtengen atyraýlyq jýrnalist Viktor Sýtiagin oqiǵanyń jai-japsaryn aityp berdi, - dep habarlaidy Tengrinews.kz.
"Men saǵat 17:00-de úige keldim. Kóligimdi alleiadaǵy kóp kóliktiń arasyna qoidym. Aýlamyz óte tynysh. Saǵat 00:00-de kólikten úi janýarlaryna arnalǵan taǵamdy almaǵanym esime túsip syrtqa shyqtym, sosyn ony alyp kelip uiqyǵa jattym. Saǵat tańǵy 4:00-de kóligim órtengenin aityp oiatty. Tursam, kólik áldeqashan janyp ketken eken. Beinebaqylaý kamerasyna túsken videoda kólikke jaqyndap, ony órtegen adam kólik jarylǵanda ózi de zardap shekkeni kórinedi. Jarylys bolǵan kezde ol kapottyń qasynda turǵan. Men jarylysty estimedim, biraq kórshilediń barlyǵy jinalǵan. Árine, men kóp adamnyń jolyn kesip, óńirdegi túrli máselelerdi kóterdim. Biraq ázirge eshkimdi kinálai almaimyn, kóligimde saqtandyrý bar", - dedi jýrnalist.
Eske salaiyq, buǵan deiin BAQ-ta belgisiz bireý jýrnalist Viktor Sýtiaginniń kóligin órtep jibergeni habarlanǵan edi. Oqiǵa beinebaqylaý kamerasyna túsip qalǵan.
Sýtiagin - Atyraýda tanymal jýrnalist. Ol 67 jasta. "QazAqparat" HAA-tiń menshikti tilshisi bolyp jumys isteidi. Buǵan deiin "Kaspiiskaia kommýna", "Karavan", "Kazahstanskaia pravda" jáne basqa da aqparat quraldarynda qyzmet etken.
