Qazaqstannyń Tuńǵysh Prezidenti Nursultan Nazarbaev Qazaqstannyń shahterlaryn kásibi merekemen quttyqtady. Elbasynyń quttyqtaýy onyń resmi saitynda jariialandy, dep habarlaidy "Ult aqparat".
«Qurmetti kómir óndirý salasynyń eńbekkerleri men ardagerleri!
Sizderdi Shahter kúnimen quttyqtaimyn!
Men kenshilerge árdaiym zor qurmetpen qaraimyn, óitkeni shahter eńbeginiń beineti maǵan jaqsy tanys.
Bul mamandyq qashanda temirdei tózim men jaýapkershilikti, janqiiarlyq pen qaisarlyqty talap etedi. Sondyqtan da sizder qajyrly eńbekterińiz arqyly qoǵamda shynaiy qurmetke bólenip kelesizder.
Kómir óndirisi bizdiń indýstriiamyzdyń berik negizi ekenin nyq senimmen aitýǵa bolady. Bul salanyń eńbekkerleri ony damytýǵa qosqan qomaqty úlesterin, óz jumystarynyń nátijesin oryndy maqtanysh ete alady.
Aldaǵy ýaqytta da otandyq ekonomikanyń tiimdi órkendeýine jáne eldiń energetikalyq áleýetiniń nyǵaiýyna atsalysa beresizder dep kámil senemin.
Sizderge myqty densaýlyq, tabys pen igilik, otbasylaryńyzǵa baq-bereke tileimin!», - delingen Elbasynyń quttyqtaýynda.
.jpeg)