foto: Vlast.kz
Eńbek jáne halyqty áleýmettik qorǵaý ministri Tamara Dúisenova zeinet jasyn tómendetýge qarsy emes ekenin málimdedi, dep habarlaidy Sputnik Qazaqstan.
"Men qazaqstandyqtardyń zeinetke erte shyǵýyna qarsy emespin. Bizde qazirdiń ózinde zeinetaqy annýitetin rásimdeýge jáne zeinet demalysyna 55 jasta shyǵýǵa múmkindik bar. Faktorlardyń barlyǵyn birlese otyryp zertteýimiz kerek. Bul keiin azamattarymyzdyń zeinetaqysy tómen bolmaýy úshin qajet. Azamattardyń tabysyn eskerip, zeinetke erte shyǵýdyń birneshe tásilin qarastyrýymyz kerek", - dedi Tamara Dúisenova zeinet jasyn 58 jasqa deiin tómendetý boiynsha Qazaqstan áielderi qozǵalysynyń ókilderimen kezdesý barysynda.
Kezdesý kezinde belsendiler zeinet jasyn tómendetýge bailanysty óz usynystaryn jetkizdi. Ony ministrlik janyndaǵy arnaiy jumys toby jan-jaqty zerdeleidi.
Jiynda ekonomika sektorlaryndaǵy jasy 50-den asqan áielderdiń tabysy men áleýmettik statýsy, tómen zeinetaqy alatyndardyń máselesi de kóterildi.
Buǵan deiin vitse-premer Eraly Toǵjanov úkimet qazaqstandyqtardyń zeinet jasyn tómendetý máselesin talqylaýǵa daiyn ekenin aitty.
