Orta salmaqtaǵy qazaqstandyq boksshy Jánibek Álimhanuly (9-0, 5 KO) óziniń Las-Vegasqa kelgenin málim etti. Munda ol 26 maýsym kúni orta salmaq sanatynda WBA Regular burynǵy álem chempiony Rob Brantpen (26-2, 18 KO) judyryqtasady, dep habarlaidy Sports.kz saity.
«Biz Las-Vegastamyz. Senbi kúni Vegasta úlken jańalyqtar bolady jáne búkil álem bul týraly biletin bolady. Vegasta ne bolyp jatqany Vegasta qalmaýy kerek. Men qazaq stilin kórsetemin», - dep jazdy Jánibek Twitter-de.
Álimhanuly – Brant jekpe-jegi Nur-Sultan ýaqyty boiynsha 27 maýsym kúni 08:00 shamasynda bastalady. Sońǵy ret Jánibek sharshy alańǵa qazan aiynda shyqqan bolatyn. Ol kezde argentinalyq Gonsalo Koriiany (16-4, 6 KO) nokaýtpen jeńgen edi. Rob Brant óziniń sońǵy aiqasyn 2020 jyldyń tamyz aiynda ótkizip, besinshi raýndta ýkrainalyq Vitalii Kopylenkony (28-3, 16 KO) nokaýtqa jiberdi.
