ورتا سالماقتاعى قازاقستاندىق بوكسشى جەنٸبەك ەلٸمحانۇلى (9-0, 5 كو) ٶزٸنٸڭ لاس-ۆەگاسقا كەلگەنٸن مەلٸم ەتتٸ. مۇندا ول 26 ماۋسىم كٷنٸ ورتا سالماق ساناتىندا WBA Regular بۇرىنعى ەلەم چەمپيونى روب برانتپەن (26-2, 18 كو) جۇدىرىقتاسادى, دەپ حابارلايدى Sports.kz سايتى.
«بٸز لاس-ۆەگاستامىز. سەنبٸ كٷنٸ ۆەگاستا ٷلكەن جاڭالىقتار بولادى جەنە بٷكٸل ەلەم بۇل تۋرالى بٸلەتٸن بولادى. ۆەگاستا نە بولىپ جاتقانى ۆەگاستا قالماۋى كەرەك. مەن قازاق ستيلٸن كٶرسەتەمٸن», - دەپ جازدى جەنٸبەك Twitter-دە.
ەلٸمحانۇلى – برانت جەكپە-جەگٸ نۇر-سۇلتان ۋاقىتى بويىنشا 27 ماۋسىم كٷنٸ 08:00 شاماسىندا باستالادى. سوڭعى رەت جەنٸبەك شارشى الاڭعا قازان ايىندا شىققان بولاتىن. ول كەزدە ارگەنتينالىق گونسالو كورييانى (16-4, 6 كو) نوكاۋتپەن جەڭگەن ەدٸ. روب برانت ٶزٸنٸڭ سوڭعى ايقاسىن 2020 جىلدىڭ تامىز ايىندا ٶتكٸزٸپ, بەسٸنشٸ راۋندتا ۋكراينالىق ۆيتاليي كوپىلەنكونى (28-3, 16 كو) نوكاۋتقا جٸبەردٸ.
