Aqtóbe oblysy boiynsha indetke shaldyqqandardyń 164-i emdelip, úilerine shyqty. Olar bul indettiń óte qaýipti, únemi qorǵanyp júrý qajet ekenin aitty, dep habarlaidy QazAqparat.
Indetke shaldyqqandar óz aty-jóniniń atalmaǵanyn, báriniń jasyryn bolǵanyn qalap, kóbi em júrgizilý barysyn ǵana aitýǵa kelisti. Olar koronavirýs infektsiiasynyń oidan shyǵarylmaǵan dúnie ekenin, qyzý kóterilip, jótelgen kezde boidy qorqynysh bileitinin aityp, bos sózge senbeýge shyqyrdy.
«Men 15 sáýir kúni Máskeýden keldim. Shekara beketinen ótkende qatty jóteldim. Birden statsionarǵa aparyp, analiz aldy. Koronavirýs infektsiiasy rastalyp, aýrýhanaǵa jatqyzyp, dári berdi, ekpe jasady. Keiin Aqtóbe qalasyndaǵy infektsiialyq aýrýhanaǵa jetkizip, kún saiyn jaǵdaiymyz qalypqa túse bastady. Bul aýrý bar. Men ózim sezindim. Aýyrǵan adamnyń murny iis sezbeidi, dám bilmeidi. Mundai jaǵdai birinshi ret kezdesip tur. Qatty qoryqtym. Qazir barlyǵy jaqsy. Aýrýhanada 20 kún jatyp, em qabyldadym», - dedi aqtóbelik turǵyn.
Taǵy bir aqtóbelik Máskeýden kelgen kezde indetke shaldyqqanyn bilgen.
«21 sáýir kúni Máskeýden keldim. Meni shekarada tekserdi. Odan úsh kún buryn qyzýym kóterilip, qinaldym. Al Aqtóbege jetkende iis sezbedim. Analiz tapsyrǵan kezde virýs anyqtaldy. Birden infektsiialyq gospitalge jatqyzyp, em júrgizdi. Dárigerler jan-jaqty qarap, kómektesti. Mende jeńil túrde ótti. Dám sezbedim, iis de múlde bilinbedi», - dedi ol.
Qazir óz jaǵdailary týraly aityp bergen eki naýqas ta emin alyp, úilerine jiberildi.
