اقتٶبە وبلىسى بويىنشا ٸندەتكە شالدىققانداردىڭ 164-ٸ ەمدەلٸپ, ٷيلەرٸنە شىقتى. ولار بۇل ٸندەتتٸڭ ٶتە قاۋٸپتٸ, ٷنەمٸ قورعانىپ جٷرۋ قاجەت ەكەنٸن ايتتى, دەپ حابارلايدى قازاقپارات.
ٸندەتكە شالدىققاندار ٶز اتى-جٶنٸنٸڭ اتالماعانىن, بەرٸنٸڭ جاسىرىن بولعانىن قالاپ, كٶبٸ ەم جٷرگٸزٸلۋ بارىسىن عانا ايتۋعا كەلٸستٸ. ولار كوروناۆيرۋس ينفەكتسيياسىنىڭ ويدان شىعارىلماعان دٷنيە ەكەنٸن, قىزۋ كٶتەرٸلٸپ, جٶتەلگەن كەزدە بويدى قورقىنىش بيلەيتٸنٸن ايتىپ, بوس سٶزگە سەنبەۋگە شىقىردى.
«مەن 15 سەۋٸر كٷنٸ مەسكەۋدەن كەلدٸم. شەكارا بەكەتٸنەن ٶتكەندە قاتتى جٶتەلدٸم. بٸردەن ستاتسيونارعا اپارىپ, اناليز الدى. كوروناۆيرۋس ينفەكتسيياسى راستالىپ, اۋرۋحاناعا جاتقىزىپ, دەرٸ بەردٸ, ەكپە جاسادى. كەيٸن اقتٶبە قالاسىنداعى ينفەكتسييالىق اۋرۋحاناعا جەتكٸزٸپ, كٷن سايىن جاعدايىمىز قالىپقا تٷسە باستادى. بۇل اۋرۋ بار. مەن ٶزٸم سەزٸندٸم. اۋىرعان ادامنىڭ مۇرنى يٸس سەزبەيدٸ, دەم بٸلمەيدٸ. مۇنداي جاعداي بٸرٸنشٸ رەت كەزدەسٸپ تۇر. قاتتى قورىقتىم. قازٸر بارلىعى جاقسى. اۋرۋحانادا 20 كٷن جاتىپ, ەم قابىلدادىم», - دەدٸ اقتٶبەلٸك تۇرعىن.
تاعى بٸر اقتٶبەلٸك مەسكەۋدەن كەلگەن كەزدە ٸندەتكە شالدىققانىن بٸلگەن.
«21 سەۋٸر كٷنٸ مەسكەۋدەن كەلدٸم. مەنٸ شەكارادا تەكسەردٸ. ودان ٷش كٷن بۇرىن قىزۋىم كٶتەرٸلٸپ, قينالدىم. ال اقتٶبەگە جەتكەندە يٸس سەزبەدٸم. اناليز تاپسىرعان كەزدە ۆيرۋس انىقتالدى. بٸردەن ينفەكتسييالىق گوسپيتالگە جاتقىزىپ, ەم جٷرگٸزدٸ. دەرٸگەرلەر جان-جاقتى قاراپ, كٶمەكتەستٸ. مەندە جەڭٸل تٷردە ٶتتٸ. دەم سەزبەدٸم, يٸس دە مٷلدە بٸلٸنبەدٸ», - دەدٸ ول.
قازٸر ٶز جاعدايلارى تۋرالى ايتىپ بەرگەن ەكٸ ناۋقاس تا ەمٸن الىپ, ٷيلەرٸنە جٸبەرٸلدٸ.
