Prezident Qasym-Jomart Toqaev Qazaqstannan aktivter zańsyz shyǵarylǵanyn jáne olardy elge qaitarý jumysy júrip jatqanyn aitty, dep habarlaidy Sputnik Qazaqstan.
"Rossiia 24" telearnasynyń efirinde júrgizýshi Toqaevtan zańsyz shyǵarylǵan aktivter týraly surady.
"Ekinshi respýblikanyń maqsattarynyń biri – ádildik. Bir nárseni tartyp alý jáne bólý ádildikke jata ma? Ádildik izdeý jolynda jańa ádiletsizdik týdyrý qaýpi joq pa?" dep surady júrgizýshi.
"Árine, ondai qaýip bar. Men suraǵyńyzdyń astaryn túsinip otyrmyn. Dese de meniń tapsyrmammen zańsyz jekeleshendirilgen aktivterdi Qazaqstanǵa qaitarý boiynsha komissiia quryldy. Mundai aktivter Qazaqstanǵa qaitarylady. Bul jerde eshqandai májbúrlep tartyp alý bolmaidy. Men tartyp alýdan jáne bólisýden aýlaqpyn. Zańdy jumys isteitin, zańnamaǵa sáikes qyzmetin júzege asyratyn ortasha kompaniialarǵa qatysty eshqandai májbúrleý bolmaidy", - dedi Memleket basshysy.
Dese de Prezident kezinde elden aktivter zańsyz shyǵarylǵanyn moiyndady.
"Adamdar kórip otyr ǵoi, bizdiń ekonomika basqa eldermen, atap aitqanda Reseimen salystyrǵanda sonshalyqty úlken emes. Biz ne ádil jasalǵanyn, ne zańǵa qaishy jasalǵanyn anyq kórip turmyz. Sol sebepti bul mindet óte mańyzdy, ol birtindep iske asyrylyp jatyr. Onyń ústine men shetelge zańsyz shaǵyrylǵan qarjyny qaitarý boiynsha vedomstvoaralyq komissiia qurdym. Bir-eki kúnde qaitarý múmkin emes. Jyldar qajet bolýy múmkin. Biraq bul máselemen ainalysý kerek", - dedi ol.
"Óitkeni shynymen de mundai aktivter zańsyz shetelge shyǵaryldy jáne olardyń zańdy iesin tabýy kerek. Al zańdy iesi Konstitýtsiia boiynsha bizdiń halqymyz. Halyq atynan barlyq aktivti memleket basqarady", - dep qosty Toqaev.
