Memlekettik organdardy avtokólikpen qamtamasyz etýdiń jańa nusqasy ázirlenedi. Bul týraly Úkimet otyrysynda QR Qarjy ministri Erulan Jamaýbaev aitty, dep habarlaidy QazAqparat.
«Memleket basshysy Úkimettiń keńeitilgen otyrysynda Qarjy ministrliginiń qyzmetine qatysty eki máselege erekshe nazar aýdardy. Bul – biýdjet shyǵystaryn ońtailandyrýdy jáne salyqtyq-kedendik ákimshilendirýdi kúsheitý, onyń ishinde tsifrlandyrý arqyly jaqsartý. Prezident tapsyrmalarynyń tez arada oryndalýyn qamtamasyz etý úshin kelesidei sharalar qabyldanady.
Biýdjet shyǵystaryn ońtailandyrý maqsatynda:
- respýblikalyq jáne jergilikti biýdjetterdiń shyǵystaryn ońtailandyrýdyń ádistemelik negizi ázirlenedi;
- memlekettik josparlaýdyń aqparattyq júiesine «Satyp alýdyń biryńǵai terezesi» servisi qosylady;
- memlekettik organdardy avtokólikpen qamtamasyz etýdiń jańa nusqasy ázirlenedi;
- daǵdarysqa qarsy jumsalatyn qarajat tiimdiliginiń monitoringi men baqylaýy kúsheitiledi;
- memlekettik qoldaý sharalarynyń tiimdiligine taldaý júrgiziledi», - dedi ministr.
Bul rette, Erulan Jamaýbaev Úkimet basshysy Asqar Maminnen barlyq memlekettik organdar men baǵdarlama operatorlaryna osy jyldyń 1 naýryzyna deiingi merzimde memlekettik jáne salalyq baǵdarlamalardyń kórsetkishteri men nysanaly indikatorlary bóliginde Memlekettik qoldaý sharalarynyń tiimdiligin monitoringileý ádistemesine usynystar engizýdi, ai saiyn Qarjy ministrligine memlekettik qoldaý sharalaryn iske asyrý jónindegi tiisti aqparat berýdi qamtamasyz etýdi tapsyrýdy ótindi.
«Osy sharalardyń barlyǵy Memleket bsshysynyń tapsyrmalaryn jáne jańa bastamalardy qarjylandyrý úshin qosymsha resýrstardy anyqtaýǵa, sondai-aq biýdjettik josparlaýdyń sapasyn arttyrýǵa múmkindik beredi», - dedi ministr.
