Ótken jyly el aýmaǵyndaǵy 49 tarihi-mádeni nysanda qalpyna keltirý jumystary bastalǵan, dep habarlaidy QazAqparat.
QR Mádeniet jáne sport ministri Dáýren Abaev vedomstvonyń mádeniet, arhiv isi jáne baspa máselelerine arnalǵan keńeitilgen alqa májilisinde memleket tarapynan tarihi nysandarǵa qandai qamqorlyq kórsetilip jatqanyn baiandady.
«Elimizdiń barlyq óńirinde 89 mádeniet nysanynyń qurylysy aiaqtalyp, 263 mádeniet nysany jóndeldi. Qaraǵandy oblysy Ulytaý aýdanynda «Joshy han» tarihi-mádeni kesheniniń qurylysy aiaqtaldy.
«Saraishyq», «Áziret Sultan», «Ordabasy» tarihi-mádeni mýzei-qoryqtary aýmaǵynda zamanaýi vizit-ortalyqtardyń qurylysy bastaldy.
Qoja Ahmet Iassaýi, Rábiia Sultan Begim, Esim han, Táýke han, Qylýet jerasty meshiti siiaqty tarihi-mádeni muraǵa jatatyn 49 nysanda qalpyna keltirý jumystary júrgizildi.
Vedomstvo basshysy tarih jáne mádeniet eskertkishterine ǵylymi-restavratsiialyq jumystardy baǵalaý normativin alǵash bekitkenin atap ótti.
«Táýelsizdiktiń 30 jyldyǵy aiasynda aýqymdy is-sharalar uiymdastyrylyp, ulttyq qoiylymdar joǵary deńgeide ótkizildi.
Memleket qoldaýymen jalpy taralymy 492 myń dana bolatyn 168 áleýmettik mańyzy bar týyndy basyp shyǵaryldy», - dedi ministr.
