ٶتكەن جىلى ەل اۋماعىنداعى 49 تاريحي-مەدەني نىساندا قالپىنا كەلتٸرۋ جۇمىستارى باستالعان, دەپ حابارلايدى قازاقپارات.
قر مەدەنيەت جەنە سپورت مينيسترٸ دەۋرەن اباەۆ ۆەدومستۆونىڭ مەدەنيەت, ارحيۆ ٸسٸ جەنە باسپا مەسەلەلەرٸنە ارنالعان كەڭەيتٸلگەن القا مەجٸلٸسٸندە مەملەكەت تاراپىنان تاريحي نىساندارعا قانداي قامقورلىق كٶرسەتٸلٸپ جاتقانىن باياندادى.
«ەلٸمٸزدٸڭ بارلىق ٶڭٸرٸندە 89 مەدەنيەت نىسانىنىڭ قۇرىلىسى اياقتالىپ, 263 مەدەنيەت نىسانى جٶندەلدٸ. قاراعاندى وبلىسى ۇلىتاۋ اۋدانىندا «جوشى حان» تاريحي-مەدەني كەشەنٸنٸڭ قۇرىلىسى اياقتالدى.
«سارايشىق», «ەزٸرەت سۇلتان», «ورداباسى» تاريحي-مەدەني مۋزەي-قورىقتارى اۋماعىندا زاماناۋي ۆيزيت-ورتالىقتاردىڭ قۇرىلىسى باستالدى.
قوجا احمەت ياسساۋي, رەبييا سۇلتان بەگٸم, ەسٸم حان, تەۋكە حان, قىلۋەت جەراستى مەشٸتٸ سيياقتى تاريحي-مەدەني مۇراعا جاتاتىن 49 نىساندا قالپىنا كەلتٸرۋ جۇمىستارى جٷرگٸزٸلدٸ.
ۆەدومستۆو باسشىسى تاريح جەنە مەدەنيەت ەسكەرتكٸشتەرٸنە عىلىمي-رەستاۆراتسييالىق جۇمىستاردى باعالاۋ نورماتيۆٸن العاش بەكٸتكەنٸن اتاپ ٶتتٸ.
«تەۋەلسٸزدٸكتٸڭ 30 جىلدىعى اياسىندا اۋقىمدى ٸس-شارالار ۇيىمداستىرىلىپ, ۇلتتىق قويىلىمدار جوعارى دەڭگەيدە ٶتكٸزٸلدٸ.
مەملەكەت قولداۋىمەن جالپى تارالىمى 492 مىڭ دانا بولاتىن 168 ەلەۋمەتتٸك ماڭىزى بار تۋىندى باسىپ شىعارىلدى», - دەدٸ مينيستر.
