Halyqtyń qoǵamdyq keńester qyzmetine senimin arttyrý sharalary qabyldanady. Bul jaiynda Májilis depýtattarynyń saýalyna QR Aqparat jáne qoǵamdyq damý ministri Asqar Ýmarovtyń jaýabynda aitylǵan, dep habarlaidy QazAqparat.
«Halyqtyń qoǵamdyq keńester qyzmetine degen senimin arttyrý maqsatynda qazirgi ýaqytta ministrlik olardyń qyzmetin jaqsartý boiynsha qajetti sharalar qabyldaýda. Qoǵamdyq keńesterdiń ekinshi quramynyń ókilettik merziminiń aiaqtalýyna bailanysty ministrlik qoǵamdyq keńesterdiń sapalyq quramyn ortalyq deńgeide de, óńirlik deńgeide de qaita qaraý boiynsha belsendi jumys júrgizýde», - dep atap ótedi ministr.
Onyń atap ótýinshe, Qazaqstan Respýblikasy Premer-Ministriniń orynbasary Eraly Toǵjanovtyń 2022 jylǵy 27 qańtardaǵy qoǵamdyq keńester quramyn sapaly jańartý týraly hattamalyq tapsyrmasyn oryndaý úshin ortalyq memlekettik organdarǵa, jergilikti memlekettik basqarý organdaryna syndarly oppozitsiia ókilderin, ÚEU-ny, azamattyq belsendilerdi, jýrnalisterdi, blogerlerdi barynsha tartý týraly ministrliktiń usynymdary jiberildi.
«Osylaisha, jańartylǵan quramdardyń monitoringi memlekettiń birqatar qoǵamdyq keńesterge qatysýy barynsha azaiǵanyn kórsetedi. Mysaly, Soltústik Qazaqstan oblysynyń qoǵamdyq keńesteriniń quramdary, Pavlodar oblysynyń 5 óńiri tek azamattyq qoǵamnan turady. Tsifrlyq damý, innovatsiialar jáne aeroǵarysh ónerkásibi ministrliginiń qoǵamdyq keńesiniń quramynda memlekettik organnyń qatysýy 8% ǵana quraidy. Ekologiia, geologiia jáne tabiǵi resýrstar ministrliginde azamattyq qoǵamnyń araqatynasy memlekettiń araqatynasynan basym jáne ol 93% qurady. Qazirgi ýaqytta jańadan qurylǵan qoǵamdyq keńesterdiń sapalyq quramyna muqiiat monitoring júrgizý jalǵasýda. Onyń qorytyndysy boiynsha keńesterdiń jańa múshelerin irikteý protsesinde oryn alǵan kemshilikterdi joiý úshin óńirlerge ministrliktiń usynymdary jiberiledi», - dedi Asqar Ýmarov.
