Ádilet ministri Qanat Mýsin jalǵa beriletin páterlerdiń qymbattaýyna bailanysty jappai narazylyqqa shyǵýǵa eshqandai negiz joq ekenin málimdedi, dep habarlaidy Sputnik Qazaqstan.
"Úkimet arendalyq turǵyn úi naryǵyndaǵy dúrbeleńge bailanysty qazaqstandyqtar mitingke shyǵady dep qoryqpai ma? Óitkeni qańtar oqiǵassy kezinde halyq jalaqynyń tómendigi men qymbatshylyqqa shaǵymdandy ǵoi", - dep surady BAQ ókilderi ministrden.
Qanat Mýsin azamattardyń mitingke shyǵýyna esh negiz kórip turmaǵanyn aitty.
"Men jappai narazylyqqa negiz kórip turǵan joqpyn. Birinshiden, ár nárseni óz atymen ataiyq. Baǵa men arenda aqysyn edáýir ósirip otyrǵan memleket emes, qazaqstandyqtardyń ózderi. Sol sebepti ne úshin narazylyqqa shyǵady? Basqa qazaqstandyqtardyń áreketine qarsy ma? Men bul jerde memlekettiń kinásin kórip turǵan joqpyn", - dedi Mýsin kýlýarda.
