QR Mádeniet jáne sport ministri Aqtoty Raiymqulova QR Memlekettik týyn konfet syrtynda beineleýge bolmaitynyn túsindirdi, dep habarlaidy "Ult aqparat".
«Búgingi tańda QR Konstitýtsiialyq zańyna sáikes, Qazaqstan Respýblikasynyń Memlekettik týy beinesi ózge de materialdyq nysandarda salynýy múmkin. Alaida, bir ret paidalanylatyn zattar bul materialdyq nysandardyń qataryna jatpaidy. Sonymen birge, Memlekettik tý QR №988-2007 ulttyq standartyn saqtai otyryp jasalǵan jáne ony litsenziiasy bar ýákiletti uiymdar ǵana jasai alady», - dep jaýap berdi ministr Ortalyq kommýnikatsiialar qyzmetinde konfet syrtyndaǵy Memlekettik tý sýreti týraly suraqqa.
Sonymen birge, ministr Memlekettik týdy qoldanýǵa bolmaityn jaittardy aityp berdi: adamǵa nemese zatqa degen qurmet retinde tý tómen túsirilmeýi kerek; tý qandai da bir zatqa, jerge nemese sýǵa timeýi kerek. Sondai-aq, týdyń saby kóldeneńinen kóterilmeidi. Týdyń búlinýi nemese kirlenýi múmkin jaǵdaida qoimaý kerek. Týǵa jazý jazýǵa nemese sýret salýǵa bolmaidy, ol kiim nemese tósek-oryn, shymyldyq retinde paidalanylmaidy. Qazaqstan Respýblikasy atynan óner kórsetetin sportshylardyń kiiminde Memlekettik Týdyń beinesin paidalaný airyqsha jaǵdai bolyp sanalady.
