قر مەدەنيەت جەنە سپورت مينيسترٸ اقتوتى رايىمقۇلوۆا قر مەملەكەتتٸك تۋىن كونفەت سىرتىندا بەينەلەۋگە بولمايتىنىن تٷسٸندٸردٸ, دەپ حابارلايدى "ۇلت اقپارات".
«بٷگٸنگٸ تاڭدا قر كونستيتۋتسييالىق زاڭىنا سەيكەس, قازاقستان رەسپۋبليكاسىنىڭ مەملەكەتتٸك تۋى بەينەسٸ ٶزگە دە ماتەريالدىق نىسانداردا سالىنۋى مٷمكٸن. الايدا, بٸر رەت پايدالانىلاتىن زاتتار بۇل ماتەريالدىق نىسانداردىڭ قاتارىنا جاتپايدى. سونىمەن بٸرگە, مەملەكەتتٸك تۋ قر №988-2007 ۇلتتىق ستاندارتىن ساقتاي وتىرىپ جاسالعان جەنە ونى ليتسەنزيياسى بار ۋەكٸلەتتٸ ۇيىمدار عانا جاساي الادى», - دەپ جاۋاپ بەردٸ مينيستر ورتالىق كوممۋنيكاتسييالار قىزمەتٸندە كونفەت سىرتىنداعى مەملەكەتتٸك تۋ سۋرەتٸ تۋرالى سۇراققا.
سونىمەن بٸرگە, مينيستر مەملەكەتتٸك تۋدى قولدانۋعا بولمايتىن جايتتاردى ايتىپ بەردٸ: ادامعا نەمەسە زاتقا دەگەن قۇرمەت رەتٸندە تۋ تٶمەن تٷسٸرٸلمەۋٸ كەرەك; تۋ قانداي دا بٸر زاتقا, جەرگە نەمەسە سۋعا تيمەۋٸ كەرەك. سونداي-اق, تۋدىڭ سابى كٶلدەنەڭٸنەن كٶتەرٸلمەيدٸ. تۋدىڭ بٷلٸنۋٸ نەمەسە كٸرلەنۋٸ مٷمكٸن جاعدايدا قويماۋ كەرەك. تۋعا جازۋ جازۋعا نەمەسە سۋرەت سالۋعا بولمايدى, ول كيٸم نەمەسە تٶسەك-ورىن, شىمىلدىق رەتٸندە پايدالانىلمايدى. قازاقستان رەسپۋبليكاسى اتىنان ٶنەر كٶرسەتەتٸن سپورتشىلاردىڭ كيٸمٸندە مەملەكەتتٸك تۋدىڭ بەينەسٸن پايدالانۋ ايرىقشا جاعداي بولىپ سانالادى.
