Astanada QR Memlekettik hatshysy Gúlshara Ábdiqalyqovanyń tóraǵalyǵymen Qazaqstan Respýblikasynyń ál-Farabi atyndaǵy ǵylym men tehnika salasyndaǵy Memlekettik syilyǵyn berý jónindegi komissiianyń otyrysy ótti, dep habarlaidy QazAqparat.
«Memleket tarapynan otandyq ǵylym men tehnika salasynyń damýyna zor mán berilip kele jatqanyn ózderińiz bilesizder. Elbasy «Qazaqstannyń úshinshi jańǵyrýy: jahandyq básekege qabilettilik» atty biylǵy Joldaýynda ekonomikanyń tehnologiialyq turǵydan jańǵyrýyn jedeldetý úshin ǵylymdy tehnologiia men innovatsiiaǵa baǵyttaý qajettigin atap ótti. Zertteýshi ǵalymdar, óndiris jańashyldary, ǵylymi-tehnikalyq ziialy qaýym ókilderi el ekonomikasynyń damýyna, ulttyń ziiatkerlik áleýetin nyǵaitýǵa eleýli úles qosyp jatyr. Búgin biz 2017 jylǵy Qazaqstan Respýblikasynyń ál-Farabi atyndaǵy ǵylym men tehnika salasyndaǵy Memlekettik syilyǵyn alý úshin usynylǵan, aldyn ala irikteýden ótken jumystardy tanystyrý men talqylaý nátijelerin qarastyramyz jáne tizimin bekitip, qorytyndy sheshim qabyldap, Elbasyna ózimizdiń usynysymyzdy aitýymyz qajet», - dedi Memlekettik hatshy.
sy oraida G. Ábdiqalyqova ál-Farabi atyndaǵy ǵylym men tehnika salasyndaǵy Memlekettik syilyǵy ǵylym ári tehnika qairatkerleri eńbegin qoǵam men memleket tarapynan joǵary baǵalaýdy bildiretinin atap ótti.
Atap aitqanda, eki jylda bir ret 7 syilyqqa deiin beriledi. Atalǵan Memlekettik syilyqty QR Prezidenti Táýelsizdik kúni qarsańynda tapsyrady dep kútilýde.
Belgili bolǵandai, 2017 jylǵy syilyqty alý úshin barlyǵy 24 jumys kelip tústi. Aldyn ala irikteýden soń ekinshi kezeńge onyń 11-i ótti.
Ál-Farabi atyndaǵy ǵylym men tehnika salasyndaǵy 2017 jylǵy Memlekettik syilyqtyń aqshalai kólemi 18,6 mln teńgeni quraidy.
Komissiia otyrys qorytyndysy boiynsha syilyqty berý úshin Memleket basshysynyń qaraýyna usynylatyn jumystardyń tizimin aiqyndady.
.jpeg)