QR Aýyl sharýashylyǵy ministrligi naryqqa jańa ónimdi shyǵara otyryp, saqtandyrý quraldaryn keńeitedi.
Búgingi kúni mal sharýashylyǵy salasyndaǵy saqtandyrý syiaqylarynyń bir bóligin sýbsidiialaý maqsatynda 6 ónim bekitildi. Endi bul tizimge qustardy saqtandyrý ónimi qosyldy, dep habarlaidy Aýyl sharýashylyǵy ministrliginiń Telegram kanaly.
Operator retinde «Aýyl sharýashylyǵyn qarjylai qoldaý qory» AQ bolyp bekitildi.
Óndiris shyǵyndaryn óteýde, paida tabýda jáne túrli jaǵdailarǵa bailanysty shyǵynǵa batyp qalmas úshin qus ósirýshiler qustaryn saqtandyrǵandary óte mańyzdy. Bul saqtandyrý ónimi ózekti jáne qazirgi ýaqytta suranysqa ie.
Jańa saqtandyrý ónimi de iri qara mal, usaq mal jáne jylqy siiaqty saqtandyrylady jáne barlyq yqtimal táýekelderdiń shyǵyny óteledi. Salystyrmaly túrde aitqanda saqtandyrýdyń quny da tómen bolady.
Túrli aýrýlardan, órtten, jazataiym oqiǵalardan, tabiǵi apattardan ólgen jaǵdaida jáne urlansa, joǵalyp ketse saqtandyrý sharttaryna sáikes ornyn toltyrýǵa múmkindik bar.
Saqtandyrý úshin kem degende 30 bas qus bolý kerek. Qustardyń sanyna bailanysty -2,31%-dan 2,77%-ǵa deiingi túrli deńgeidegi tarifter belgilendi. Bul ónimdi operator bekitkendikten saqtandyrý syiaqylaryn memleket sýbsidiialaidy. Ol fermerlerdi yntalandyrýǵa jáne saqtandyrý syiaqysy somasynyń 50%-yn sýbsidiialaý arqyly saqtandyrý shartynyń jarty qunyn arzandatýǵa baǵyttalǵan.
Júiede Qazaqstan Respýblikasynyń qarjy naryǵyn retteý jáne damytý jónindegi agenttiginiń litsenziiasy bar saqtandyrý kompaniialary ǵana jumys isteidi. Saqtandyrý ónimi sheńberindegi táýekelder álemdik saqtandyrý naryǵynda «A» reitingisi bar Halyqaralyq qaita saqtandyrý kompaniialary qaita saqtandyrady. Bul saqtandyrý jaǵdailary týyndaǵanda kepildendirilgen tólemderdi qamtamasyz etýge múmkindik beredi.
«Shart jasasýdan bastap tólemderge deiingi barlyq rásimder aýyl sharýashylyǵy taýaryn óndirýshiniń elektrondyq tsifrlyq qoltańbasy negizinde Qoldau.kz platformasynda ornalasqan Agroinsurance aqparattyq servisinde atqarylady»,-delingen habarlamada.
