Foto: ashyq derekkóz
Astanada tuńǵysh rámiztanýshy, pýblitsist-jazýshy, aqyn Erbol Shaimerdenovti eske alýǵa arnalǵan «Memlekettik rámizder – eltanym negizi» atty konferentsiia ótti, dep habarlaidy Ult.kz.
Is-sharaǵa depýtattar, qoǵam qairatkerleri, tarihshylar men jazýshylar, mádeniet salasynyń qyzmetkerleri qatysty. Jiynda Memlekettik keńesshi Erlan Qarin quttyqtaý haty oqyldy.
«Erbol Shaimerdenov sanaly ǵumyryn elimizdiń mádenieti men baspasóziniń, til salasynyń órken jaiýyna, memlekettik rámizderimizdi ulyqtaýǵa arnaǵan taǵylymy zor tulǵa, birtýar azamat edi. Ol eltańba, tý memlekettik rámiz retinde qabyldanyp jatqan kezde komissiia múshesi bolyp, keiin rámizderdi zerdelep-zerttep, salanyń damýyna zor úles qosty», – delingen quttyqtaý hatta.
Jiynda QR Parlament Senatynyń Áleýmettik-mádeni damý jáne ǵylym jónindegi komitet tóraǵasy Nurtóre Júsip tarihi tulǵanyń qazaq rýhaniiatyna sińirgen ólsheýsiz eńbegin atap ótti.
Konferentsiia barysynda memleket jáne qoǵam qairatkeriniń arhivtegi beinefilmderi kórsetilip, ulttyq nyshandar týraly óleńderi oqyldy.
