Memlekettik rámizderi kúnine orai Qazaqstan Respýblikasynyń Ulttyq arhivi Qazaqstannyń basty atribýttary – Tý, Eltańba, Ánurannyń qalyptasý tarihynan syr shertetin qyzyqty qujattar toptamasyn usynady, dep habarlaidy "Ult aqparat" QR Ulttyq arhivine silteme jasap.
Táýelsiz Qazaqstannyń Memlekettik týy resmi túrde 1992 jyly qabyldandy. Onyń avtory – belgili sýretshi Sháken Niiazbekov.
Qazaqstan Respýblikasynyń Ulttyq arhivinde saqtalǵan Qazaqstannyń Memlekettik týy resmi túrde 1992 jyly qabyldanýy týraly qujattar kóshirmesi.
Qazaqstan Respýblikasynyń Ulttyq arhivinde saqtalǵan Qazaqstannyń Memlekettik týynyń syzbasy.
Egemendi Qazaqstannyń Eltańbasy 1992 jyly resmi túrde qabyldandy. Onyń avtorlary – belgili sáýletshiler Jandarbek Málibekov pen Shot-Aman Ýálihanov.
Qazaqstan Respýblikasynyń Ulttyq arhivinde saqtalǵan Qazaqstannyń Eltańbasy 1992 jyly resmi túrde qabyldanýy týraly qujattar kóshirmesi.
Qazaqstan Respýblikasynyń Ulttyq arhivinde saqtalǵan Qazaqstannyń Eltańbasy syzbasy.
Táýelsiz Qazaqstannyń tarihynda elimizdiń memlekettik gimni eki ret – 1992 jáne 2006 jyldary bekitildi.
Respýblika memlekettik egemendigin ielengennen keiin, 1992 jyly Qazaqstan ánuranynyń mýzykasy men mátinine baiqaý jariialandy. Baiqaý qorytyndysy boiynsha Qazaq KSR gimniniń mýzykalyq redaktsiiasyn saqtaý týraly sheshim qabyldandy. Osylaisha táýelsiz Qazaqstannyń alǵashqy giminiń mýzykasynyń avtorlary Muqan Tólebaev, Evgenii Brýsilovskii jáne Latif Hamidi boldy. Sonymen qatar, úzdik mátinge jariialanǵan baiqaýda avtorlar ujymy, belgili aqyndar Muzafar Álimbaev, Qadyr Myrzaliev, Tumanbai Moldaǵaliev jáne Jadyra Dáribaeva jeńip shyqty.
Eldiń dybystyq rámiziniń tanymaldyǵyn arttyrý maqsatynda 2006 jyly jańa memlekettik gimn qabyldandy. Onyń negizi retinde halyqtyń arasynda keńinen tanymal «Meniń Qazaqstanym» patriottyq áni tańdap alyndy. Ol ándi Shámshi Qaldaiaqov 1956 jyly Jumeken Nájimedenovtiń sózine jazǵan bolatyn. Qazaqstannyń Tuńǵysh Prezidenti - Elbasy Nursultan Nazarbaev ánge memlekettik gimn joǵary mártebesin berý jáne anaǵurlym saltanatty shyrqalýy úshin mýzykalyq týyndynyń bastapqy mátinin óńdedi. Qazaqstan Parlamenti 2006 jyly 6 qańtarda palatalardyń birlesken otyrysynda «Memlekettik rámizder týraly» Jarlyqqa tiisti túzetý engizip, elimizdiń jańa memlekettik gimnin bekitti.
Qazaqstan Respýblikasynyń Ulttyq arhivinde saqtalǵan Qazaqstan gimniniń 1992 jylǵy resmi túrde qabyldanýy týraly qujattar kóshirmesi.
