QR Eńbek jáne halyqty áleýmettik qorǵaý ministrliginde onlain konferentsiia barysynda ortalyq memlekettik organdar ókilderine Qazaqstandaǵy jańa kásipter men quzyretterdiń atlasy tanystyryldy, dep habarlaidy "Ult aqparat" vedomstvonyń baspasóz qyzmetine silteme jasap.
Baiandamashy retinde Saiasat Nurbek sóz sóiledi, ol seriktes retinde atlasty ázirleý jáne engizý boiynsha jobany iske asyrýdyń barlyq kezeńderinde ádisnamalyq, ákimshilik jáne uiymdastyrýshylyq qoldaý kórsetedi.
Onyń aitýynshva, memleket tarapynan steikholderler ázirlegen atlasty qoldaný perspektivalary týraly áńgimeledi, sondai-aq ony eńbek naryǵyn boljaýdy jaqsartý, joǵary jáne tehnikalyq jáne kásiptik bilim berý baǵdarlamalaryn jańartý jáne kásiptik standarttardy jańartý quraly retinde paidalaný úshin negizgi baǵyttar boiynsha usynymdar berdi.
«Jańa kásipter atlasynyń kómegimen ekonomikanyń árbir salasy boiynsha túrli quzyrettilikterge qajettilikti boljaýǵa bolady, bul bolashaq strategiialyq damý baǵdarlamalarynyń dáldigine oń áser etedi. Budan basqa, bul halyqtyń biliktiligin arttyrýǵa degen túsinigi men qyzyǵýshylyǵyna, ózekti daǵdylarǵa nemese suranysqa ie mamandyqtarǵa oqytýǵa tartylýyna áser etedi», - dedi Saiasat Nurbek.
Búgingi tańda atlas negizinde bilim berý standarttaryna birqatar jańalyq engizilýde. Mysaly, Hromtaý taý-ken tehnikalyq joǵary kolledjinde «taý-ken óndirý ónerkásibi men paidaly qazbalardy óndirýge arnalǵan pilotsyz ushý apparattarynyń operatory» jańa mamandyǵy boiynsha oqytý bastaldy. Osy baǵyttaǵy mamandardy daiarlaýdyń ózektiligin Don taý-ken baiytý kombinatynyń qyzmetkerleri rastaidy.
Budan basqa, QR Bilim jáne ǵylym ministrliginiń TjKB synyptaýyshyna mynadai mamandyqtar men biliktilikter qosyldy:
– «Robot tehnikasy jáne endiriletin júieler (salalar boiynsha)» mamandyǵy jáne «Robot tehnikasy júieleri men keshenderin montajdaýshy-retteýshi», «Mobildi robot tehnikasynyń tehnigi», «Ónerkásiptik robot tehnikasynyń tehnigi» biliktiligi;
– «Nanomaterialdar negizindegi buiymdar tehnologiiasy» mamandyǵy jáne «Nanomaterialdar negizindegi buiymdar óndirisiniń operatory» biliktiligi;
– «Óndiristiń additivti tehnologiialary» mamandyǵy jáne «Additivti qondyrǵylardyń operatory» biliktiligi;
– «Qashyqtan basqarylatyn aviatsiialyq júie» mamandyǵy jáne «Syrtqy ushqysh», «Pilotsyz aviatsiialyq júielerdi tehnikalyq paidalaný jónindegi tehnik-mehanik» biliktiligi;
– «Ǵimarattardy jobalaý men paidalanýdyń avtomattandyrylǵan júieleri» mamandyǵy jáne «BIM-paidalanýshy», «BIM-tehnik», «Ǵimaratty basqarýdyń ziiatkerlik júielerine qyzmet kórsetý tehnigi» biliktiligi;
– «Jyljymaityn múlikti basqarý» mamandyǵy jáne «Kóp páterli turǵyn úidi basqarýshy» biliktiligi;
– «Destinatsiiany basqarý» mamandyǵy jáne «Ekologiialyq týrizm menedjeri», «Týristik qyzmetterdi jyljytý jónindegi menedjer», «Týristik aqparattyq ortalyqtyń menedjeri» biliktilikteri.
Esterińizge sala keteiik, atlasty ázirleý QR Prezidentiniń «Igilik barshaǵa! Sabaqtastyq. Ádildik. Órleý» sailaýaldy baǵdarlamasyn iske asyrý jónindegi is-qimyl josparynyń 39-tarmaǵyn oryndaý úshin jáne QR Prezidentiniń 2019 jylǵy 19 maýsymdaǵy Jarlyǵymen bekitilgen «Birge» jalpyulttyq aktsiiasy barysynda alynǵan usynystar negizinde júzege asyryldy.
Atlasty ázirleý ádistemesi halyqaralyq tájiribege jáne ekonomika salalaryn damytýdyń álemdik trendterin eskerýge negizdelgen. Ol rapid forsaity (rapid foresight) tehnologiiasy boiynsha salalyq sarapshylardyń qatysýymen óndiris, memlekettik organdar, salalyq qaýymdastyqtar jáne t. b. ókilderiniń qatysýymen boljamdy sessiialar ótkizýdi qamtydy.
Atlasta ekonomikanyń basym 9 salasy: taý-ken metallýrgiia kesheni, munai-gaz salasy, aýyl sharýashylyǵy, kólik jáne logistika, mashina jasaý, AKT, energetika, týrizm jáne qurylys boiynsha eńbek naryǵyn syni túrde ózgertetin negizgi tehnologiialyq trendterge taldaý jasalǵan. Qujatta kásipterdegi taiaýdaǵy 5-10 jylǵa arnalǵan ózgerister boljanyp, sondai-aq 239 jańa, 95 transformatsiialanatyn jáne 129 joiylyp bara jatqan kásip aiqyndaldy.
