قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸندە ونلاين كونفەرەنتسييا بارىسىندا ورتالىق مەملەكەتتٸك ورگاندار ٶكٸلدەرٸنە قازاقستانداعى جاڭا كەسٸپتەر مەن قۇزىرەتتەردٸڭ اتلاسى تانىستىرىلدى, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
بايانداماشى رەتٸندە ساياسات نۇربەك سٶز سٶيلەدٸ, ول سەرٸكتەس رەتٸندە اتلاستى ەزٸرلەۋ جەنە ەنگٸزۋ بويىنشا جوبانى ٸسكە اسىرۋدىڭ بارلىق كەزەڭدەرٸندە ەدٸسنامالىق, ەكٸمشٸلٸك جەنە ۇيىمداستىرۋشىلىق قولداۋ كٶرسەتەدٸ.
ونىڭ ايتۋىنشۆا, مەملەكەت تاراپىنان ستەيكحولدەرلەر ەزٸرلەگەن اتلاستى قولدانۋ پەرسپەكتيۆالارى تۋرالى ەڭگٸمەلەدٸ, سونداي-اق ونى ەڭبەك نارىعىن بولجاۋدى جاقسارتۋ, جوعارى جەنە تەحنيكالىق جەنە كەسٸپتٸك بٸلٸم بەرۋ باعدارلامالارىن جاڭارتۋ جەنە كەسٸپتٸك ستاندارتتاردى جاڭارتۋ قۇرالى رەتٸندە پايدالانۋ ٷشٸن نەگٸزگٸ باعىتتار بويىنشا ۇسىنىمدار بەردٸ.
«جاڭا كەسٸپتەر اتلاسىنىڭ كٶمەگٸمەن ەكونوميكانىڭ ەربٸر سالاسى بويىنشا تٷرلٸ قۇزىرەتتٸلٸكتەرگە قاجەتتٸلٸكتٸ بولجاۋعا بولادى, بۇل بولاشاق ستراتەگييالىق دامۋ باعدارلامالارىنىڭ دەلدٸگٸنە وڭ ەسەر ەتەدٸ. بۇدان باسقا, بۇل حالىقتىڭ بٸلٸكتٸلٸگٸن ارتتىرۋعا دەگەن تٷسٸنٸگٸ مەن قىزىعۋشىلىعىنا, ٶزەكتٸ داعدىلارعا نەمەسە سۇرانىسقا يە ماماندىقتارعا وقىتۋعا تارتىلۋىنا ەسەر ەتەدٸ», - دەدٸ ساياسات نۇربەك.
بٷگٸنگٸ تاڭدا اتلاس نەگٸزٸندە بٸلٸم بەرۋ ستاندارتتارىنا بٸرقاتار جاڭالىق ەنگٸزٸلۋدە. مىسالى, حرومتاۋ تاۋ-كەن تەحنيكالىق جوعارى كوللەدجٸندە «تاۋ-كەن ٶندٸرۋ ٶنەركەسٸبٸ مەن پايدالى قازبالاردى ٶندٸرۋگە ارنالعان پيلوتسىز ۇشۋ اپپاراتتارىنىڭ وپەراتورى» جاڭا ماماندىعى بويىنشا وقىتۋ باستالدى. وسى باعىتتاعى مامانداردى دايارلاۋدىڭ ٶزەكتٸلٸگٸن دون تاۋ-كەن بايىتۋ كومبيناتىنىڭ قىزمەتكەرلەرٸ راستايدى.
بۇدان باسقا, قر بٸلٸم جەنە عىلىم مينيسترلٸگٸنٸڭ تجكب سىنىپتاۋىشىنا مىناداي ماماندىقتار مەن بٸلٸكتٸلٸكتەر قوسىلدى:
– «روبوت تەحنيكاسى جەنە ەندٸرٸلەتٸن جٷيەلەر (سالالار بويىنشا)» ماماندىعى جەنە «روبوت تەحنيكاسى جٷيەلەرٸ مەن كەشەندەرٸن مونتاجداۋشى-رەتتەۋشٸ», «موبيلدٸ روبوت تەحنيكاسىنىڭ تەحنيگٸ», «ٶنەركەسٸپتٸك روبوت تەحنيكاسىنىڭ تەحنيگٸ» بٸلٸكتٸلٸگٸ;
– «نانوماتەريالدار نەگٸزٸندەگٸ بۇيىمدار تەحنولوگيياسى» ماماندىعى جەنە «نانوماتەريالدار نەگٸزٸندەگٸ بۇيىمدار ٶندٸرٸسٸنٸڭ وپەراتورى» بٸلٸكتٸلٸگٸ;
– «ٶندٸرٸستٸڭ ادديتيۆتٸ تەحنولوگييالارى» ماماندىعى جەنە «ادديتيۆتٸ قوندىرعىلاردىڭ وپەراتورى» بٸلٸكتٸلٸگٸ;
– «قاشىقتان باسقارىلاتىن اۆياتسييالىق جٷيە» ماماندىعى جەنە «سىرتقى ۇشقىش», «پيلوتسىز اۆياتسييالىق جٷيەلەردٸ تەحنيكالىق پايدالانۋ جٶنٸندەگٸ تەحنيك-مەحانيك» بٸلٸكتٸلٸگٸ;
– «عيماراتتاردى جوبالاۋ مەن پايدالانۋدىڭ اۆتوماتتاندىرىلعان جٷيەلەرٸ» ماماندىعى جەنە «BIM-پايدالانۋشى», «BIM-تەحنيك», «عيماراتتى باسقارۋدىڭ زيياتكەرلٸك جٷيەلەرٸنە قىزمەت كٶرسەتۋ تەحنيگٸ» بٸلٸكتٸلٸگٸ;
– «جىلجىمايتىن مٷلٸكتٸ باسقارۋ» ماماندىعى جەنە «كٶپ پەتەرلٸ تۇرعىن ٷيدٸ باسقارۋشى» بٸلٸكتٸلٸگٸ;
– «دەستيناتسييانى باسقارۋ» ماماندىعى جەنە «ەكولوگييالىق تۋريزم مەنەدجەرٸ», «تۋريستٸك قىزمەتتەردٸ جىلجىتۋ جٶنٸندەگٸ مەنەدجەر», «تۋريستٸك اقپاراتتىق ورتالىقتىڭ مەنەدجەرٸ» بٸلٸكتٸلٸكتەرٸ.
ەستەرٸڭٸزگە سالا كەتەيٸك, اتلاستى ەزٸرلەۋ قر پرەزيدەنتٸنٸڭ «يگٸلٸك بارشاعا! ساباقتاستىق. ەدٸلدٸك. ٶرلەۋ» سايلاۋالدى باعدارلاماسىن ٸسكە اسىرۋ جٶنٸندەگٸ ٸس-قيمىل جوسپارىنىڭ 39-تارماعىن ورىنداۋ ٷشٸن جەنە قر پرەزيدەنتٸنٸڭ 2019 جىلعى 19 ماۋسىمداعى جارلىعىمەن بەكٸتٸلگەن «بٸرگە» جالپىۇلتتىق اكتسيياسى بارىسىندا الىنعان ۇسىنىستار نەگٸزٸندە جٷزەگە اسىرىلدى.
اتلاستى ەزٸرلەۋ ەدٸستەمەسٸ حالىقارالىق تەجٸريبەگە جەنە ەكونوميكا سالالارىن دامىتۋدىڭ ەلەمدٸك ترەندتەرٸن ەسكەرۋگە نەگٸزدەلگەن. ول راپيد فورسايتى (rapid foresight) تەحنولوگيياسى بويىنشا سالالىق ساراپشىلاردىڭ قاتىسۋىمەن ٶندٸرٸس, مەملەكەتتٸك ورگاندار, سالالىق قاۋىمداستىقتار جەنە ت. ب. ٶكٸلدەرٸنٸڭ قاتىسۋىمەن بولجامدى سەسسييالار ٶتكٸزۋدٸ قامتىدى.
اتلاستا ەكونوميكانىڭ باسىم 9 سالاسى: تاۋ-كەن مەتاللۋرگييا كەشەنٸ, مۇناي-گاز سالاسى, اۋىل شارۋاشىلىعى, كٶلٸك جەنە لوگيستيكا, ماشينا جاساۋ, اكت, ەنەرگەتيكا, تۋريزم جەنە قۇرىلىس بويىنشا ەڭبەك نارىعىن سىني تٷردە ٶزگەرتەتٸن نەگٸزگٸ تەحنولوگييالىق ترەندتەرگە تالداۋ جاسالعان. قۇجاتتا كەسٸپتەردەگٸ تاياۋداعى 5-10 جىلعا ارنالعان ٶزگەرٸستەر بولجانىپ, سونداي-اق 239 جاڭا, 95 ترانسفورماتسييالاناتىن جەنە 129 جويىلىپ بارا جاتقان كەسٸپ ايقىندالدى.
