QR Prezidenttigine kandidat Meiram Qajyken Almaty qalasyna bardy. Onda ol sybailas jemqorlyqqa qarsy is-qimyl taqyrybynda ótken dóńgelek ústelge qatysty, dep habarlaidy "Ult aqparat" úmitker shtabynyń baspasóz qyzmetine silteme jasap.
Is-sharany kandidattyń Almaty qalasyndaǵy shtaby uiymdastyrdy.
Qatysýshylar qatarynda quqyq qorǵaý organdary men sybailas jemqorlyqqa qarsy kúres departamentiniń ókilderi, senimdi ókilder men qoǵam qairatkerleri bar.
Taraptar sybailas jemqorlyqtyń Qazaqstannyń áleýmettik-ekonomikalyq damýy keri áserin, osy qubylysqa qarsy is-qimyl jónindegi sheteldik tájiribeni talqylady.
Sybailas jemqorlyqty qabyldaý indeksiniń (CPI) halyqaralyq reitinginde Qazaqstan tómengi qatarda tur. 2021 jyldyń qorytyndysy boiynsha álemniń 180 eliniń arasynda 102-shi orynda boldy.
Esterińizge sala keteiik, óńirlerdegi sailaýshylarmen kezdesýlerde Meiram Qajyken ataq-dańqyna, kim ekenine qaramai, sybailas jemqorlyqqa qarsy kúresti qatań júrgizýge nietti ekenin birneshe ret atap ótken bolatyn. Jiynda kandidat paraqorlyqtyń, para berýdiń, laýazymdy tulǵalardyń ókilettikterin asyra paidalanýdyń aldyn alý boiynsha máseleler kóterildi. Úmitker naqty zańdar men erejeler qýatty bolmasa quqyqtyq memleket qurý múmkin emes ekenin aitty.
«Qatań zańdar qajet. Jáne olar óz kúshinde oryndalýy kerek. Sybailas jemqorlyq áreketteri - ár adamnyń sana sezimine, mádenietine bailanysty. Al ony jeńý de dál solai. Tek repressiia arqyly sybailas jemqorlyqty joiý múmkin emes. Halyqqa esep beretin myqty, ashyq azamattyq qoǵam qajet. Iaǵni myqty azamattyq qoǵam, táýelsiz kásipodaqtar, kásipkerler qaýymdastyǵy jáne basqa da kóptegen uiymdardyń kúshi birigý kerek. Sonda adamdar memlekettiń kelisimsharttaryn, biýdjetti, jer ýchaskelerin bólý t.b. áreketterdi baqylai alady», - dedi Qajyken.
Áńgime barysynda kandidat «ókinishke qarai, bizde azamattyq qoǵam joq» dep qosty. Ol tyǵyryqtan shyǵýdyń bir joly retinde: kásipkerler úlesiniń ulǵaiýyn jáne memlekettiń ekonomikaǵa qatysyn barynsha azaitý dep sanaidy.
«Memleket úlesin qalai qysqartýǵa bolady? Memlekettik organdardy kóptegen mindetterden alshaqtatý qajet. Biznestiń ózi-aq sheshim qabyldai alady», - dep túsindirdi Qajyken.
Qorytyndylai kele, taraptar sybailas jemqorlyq, quqyqbuzýshylyqtardyń aldyn alýǵa naqty, nátijeli bastamalar qajet degen ortaq pikirge keldi. Iaǵni, sybailas jemqorlyqqa qarsy sharalar zańnama, sot jáne quqyq qorǵaý júieleri sekildi úsh negizgi baǵytqa shoǵyrlandyrylýy tiis.
