Foto: Uiymdastyrýshylardan
Almatyda «Memlekettik organdar men azamattyq qoǵam institýttarynyń ózara is-qimylynyń ózekti máseleleri» atty halyqaralyq ǵylymi-praktikalyq konferentsiia ótti. Narhoz ýniversitetiniń Quqyq jáne memlekettik basqarý mektebi uiymdastyrǵan sharada memlekettik organdar men azamattyq qoǵam institýttarynyń ózara is-qimyly talqylandy, dep habarlaidy Ult.kz.
Qazaqstan, Germaniia, Resei, Qyrǵyzstan jáne Ózbekstannan kelgen 150-den asa zań shyǵarýshy, atqarýshy jáne sot biligi ókilderi, halyqaralyq uiymdardyń sarapshylary, jýrnalister men ǵalymdar qatysqan is-sharanyń maqsaty BUU-nyń – «Beibitshilik, ádilet jáne tiimdi institýttardy» qoldaý jáne qazirgi ózgermeli dáýirde memleket pen qoǵam arasyndaǵy tiimdi seriktestikti nyǵaitý. Osylaisha, eki kúnge sozylǵan halyqaralyq jiyn memleket pen qoǵamnyń arasyndaǵy bailanysty nyǵaitýǵa arnalǵan ashyq pikir alańyna ainaldy.
Basqosýda alǵashqylardyń biri bolyp sóz sóilegen ýniversitet Prezidenti Qanat Qojahmetov ýniversitettiń basty missiiasy – kásibi mamandar daiarlaý arqyly azamattyq qoǵamnyń damýyna serpin berý ekenin basa aitty. Sonymen qatar jastardy joǵary rýhani-adamgershilik qundylyqtar rýhynda tárbieleý ýniversitet úshin árqashan basymdyq bolyp qala beretinin, sol úshin azamattyq qoǵamnyń bilim men kóshbasshylyq ortalyǵyna ainalýymyz kerek. Búgingi konferentsiia – osy baǵyttaǵy naqty qadam», – dedi.
Ǵylymi konferentsiiada kóterilgen negizgi máseleler mynadai:
· memlekettik organdardyń qyzmetin tsifrlandyrý jáne ashyqtyqty arttyrý;
· azamattyq qoǵam institýttarymen ózara is-qimyldyń quqyqtyq mehanizmderi;
· qoǵamdyq keńesterdiń róli jáne quqyqtyq protsesterge qatysý;
· jasandy intellektini engizýdiń etikalyq aspektileri;
· jahandyq ózgerister jaǵdaiyndaǵy qoǵamdyq institýttardyń turaqtylyǵy.
Konferentsiia qorytyndysynda
· azamattyq belsendilik pen ÚEU qyzmetin retteýdi baǵalaýdy kúsheitý;
· ashyqtyq bastamalaryn monitoringileitin jumys tobyn qurý;
· tsifrlyq sheshimderdi ázirleýde ǵylymi qaýymdastyqpen yntymaqtastyqty arttyrý
· ulttyq damý strategiialaryna konferentsiia materialdaryn engizýge qatysty birqatar naqty usynystar ázirlendi.
Ýniversitettiń Quqyq jáne Memlekettik basqosý mektebiniń profesoory Gúlmira Serikbaiqyzy «Búgingi konferentsiia aiasynda Narhoz ýniversitetiniń BUU-nyń «Akademiialyq yqpal» baǵdarlamasy boiynsha №16 Turaqty damý maqsaty aiasynda jahandyq habtyń tóraǵa orynbasary bolǵandyǵy resmi habarlandy. Bul mandatqa álemniń 330-dan asa oqý orny talasty, úlken irikteý boldy. Prezidentimiz Q.Toqaev mundai usynysty sońǵy 5–6 jyl boiy Amerikaǵa usynǵan, biraq birneshe jyldyq talqylaýdyń nátijesinde osy jyly qabyldandy. Endi aldaǵy úsh jyl boiy álemniń 1500 ýniversiteti, 150 kolledjimen birigip, beibitshilik, ádilettilik jáne turaqty institýttardy ornatý, damytý baǵytynda jumys isteimiz. Bizdiń basty nysanamyz jańa aitylǵan úsh baǵyt boiynsha tereń bilim berý, oqytý. Sonyń aiasynda álemniń ýniversitetterine jańa oqý modýldaryn usyna alamyz», – dedi.
Eleonora Ázirjan
