Sybailas jemqorlyqqa qarsy qyzmet arnaiy operatsiia nátijesinde alaiaqtardy áshkereledi. Olar memlekettik organ basshylarynyń senimdi adamdary bop kórinip, azamattardy aldap, ártúrli máseleniń sheshimi úshin para berýge itermeleý arqyly olardyń aqshasyn urlaǵan, - dep habarlaidy "Ult aqparat" Sybailas jemqorlyqqa qarsy qyzmet agenttiginiń baspasóz qyzmetine silteme jasap.
Vedomstvo málimetinshe, top músheleriniń biri Ábdikerimov sot sanktsiiasymen qamaýǵa alynǵan. Taǵy bir múshesi Turanovtan "Halyqaralyq politsiia ortalyǵy" (Interpol Center UN) general-maiorynyń kýáligi tárkilengen.
Qazirgi ýaqytta qylmystyq is boiynsha jedel-tergeý is-sharalar kesheni júrgizilip jatyr. Atalǵan adamdardyń basqa qylmystar jasaýǵa qatysy bar-joǵy tekserilmek.
Tergeý múddesi úshin ózge de aqparat jariia etýge jatpaidy.
