«Astana – adaldyq alańy» jobasy aiasynda memlekettik jáne biýdjettik uiymdar qyzmetkerleriniń eńbekaqysyn kóterý tájiribesin qoldanýǵa kiristi, dep habarlaidy "Ult aqparat" Baq.kz-ke silteme jasap.
«Tómen jalaqy sybailas jemqorlyq jasaýǵa yqpal etetin negizgi faktorlardyń biri bolyp tabylady», - dedi tusaýkeser rásiminde joba jetekshisi Jazira Jylqyshieva.
Onyń aitýynsha, basshylardyń jalaqysymen olardyń biýdjettik qarajatty igerý jaýapkershiligin eshbir salystyrýǵa kelmeidi. Máselen, oblystyq basqarma basshysy 200 myń teńge keminde jalaqymen 3 milliardtan astam teńge igerýdi kózdeitin biýdjettik baǵdarlamanyń ákimshisi bolyp tabylady.
Basqa mysal: óńirlik deńgeidegi qyzmetshiniń laýazymdyq eńbekaqysy 54 myń teńge bolsa, tekserý júrgizý kezinde 1 mln teńgeden (500 AEK) asatyn ólshemderde aiyppul salýǵa ýákiletti.
Basqasha aitqanda, táýekeldi laýazymdar tizbesi bar, olar erekshe kózqarasty talap etedi. Jazira Jylqyshievanyń aitýynsha, mundai laýazymdardyń tizilimin qalyptastyrý qajettiligi týraly birneshe ret aitylǵan.
Memlekettik qyzmetshilerdiń jalaqyny kóterý boiynsha faktorlyq-balldyq pilottyq joba retinde Agenttiktiń, Ádilet ministrliginiń, Mańǵystaý oblysy jáne Astana qalasy ákimdikterinde engizilip otyr. Memlekettik qyzmetshiler jáne biýdjettik uiymdardyń qyzmetkerlerine eńbekaqyny jetildirý boiynsha joba keńsesi taldaý júrgizip, usynymdar ázirleidi.
Astana qalasynda Memlekettik qyzmet isteri jáne sybailas jemqorlyqqa qarsy is-qimyl agenttiginiń Astana ákimdigimen birlesken «Astana – adaldyq alańy» jobasy bastaý aldy. Búgin Memlekettik qyzmet isteri jáne sybailas jemqorlyqqa qarsy is-qimyl agenttiginiń Tóraǵasy Alik Shpekbaev pen Astana qalasynyń ákimi Áset Isekeshev «Astana – adaldyq alańy» jobasynyń jarǵysyna qol qoidy.
