QR Memlekettik qyzmet isteri agenttiginiń tóraǵasy Anar Jaiylǵanova artyq jumys úshin ústemeaqy tóleý protsesi týraly aityp berdi, dep habarlaidy QazAqparat.
«Protsesti avtomattandyrý jáne negizsiz artyq jumys isteýdi boldyrmaý maqsatynda agenttik Tsifrlyq damý, innovatsiialar jáne aeroǵarysh ónerkásibi ministrligimen birlesip, Kirýdi baqylaý jáne basqarý júiesin «E-qyzmet» aqparattyq júiesimen biriktirip jatyr. Bul keleshekte artyq jumys istegenderdi anyqtaýǵa jáne kadr qyzmetteriniń aralasýynsyz ústemeaqy tóleý nemese qosymsha demalys saǵattaryn usyný týraly basqarýshylyq sheshimder usynýǵa múmkindik beredi», - dedi A. Jaiylǵanova QR Memlekettik qyzmet isteri agenttiginiń alqa otyrysynda.
