QR Premer ministriniń birinshi orynbasary Álihan Smailov memlekettik qyzmetshiniń eńbekaqysyn tóleý júiesin masshtabtaý múmkindigi týraly aitty, dep habarlaidy "Ult aqparat".
«Ákimshilik memlekettik qyzmetshiniń pilottyq rejimde eńbekaqysyn tóleýdiń keibir máseleleri týraly» Úkimet qaýlysyna sáikes 2018 jyldyń 1 qańtarynan bastap eńbekaqyny tóleýdiń pilottyq rejimde jańa túri engizildi. Aldymen eńbekaqyny jańa júiemen tóleý pilottyq rejim túrinde Memlekettik qyzmet agenttigi men Sybailas jemqorlyqqa qarsy is-qimyl agenttigi, Ádilet ministrligi, Nur-Sultan qalasy jáne Mańǵystaý oblysy ákimdiginde engizildi. 2019 jyldan bastap Almaty jáne Shymkent qalalyq ákimdikterinde, al 2020 jyldan beri Atyraý, Qaraǵandy jáne Pavlodar oblystarynda iske asyp keledi», - dedi Á. Smailov depýtat saýalynaa bergen jaýabynda.
Onyń aitýynsha, qazirgi ýaqytta jańa júieni engizý boiynsha taldaý jasalyp, tiisti Úkimet qaýlysy jobasy ázirlendi. Atalǵan joba ortalyq memlekettik jáne jergilikti atqarýshy organdarmen aldyn ala kelisilgen. Osy oraida Úkimet QR Konstitýtsiiasy 66-babynyń 9-1 tarmaqshasyna sáikes, eńbekaqyny tóleýdiń jańa júiesin masshtabtandyrý áreketi boiynsha Memleket basshysynyń kelisimin alý engizildi.
«Memleket basshysy kelisiminiń nátijesine sáikes, QR Úkimeti jańa jobany memlekettik jáne jergilikti atqarýshy organdarda engizý boiynsha qaýly shyǵaryp, tiisti sharalar qabyldaidy», - deidi Úkimet basshysynyń orynbasary.
