QR Din isteri jáne azamattyq qoǵam ministri Nurlan Ermekbaevtyń aitýynsha, memlekettik qyzmetshilerge jumys ýaqytynda meshitke barýǵa tyiym salý boiynsha naqty sheshim áli shyǵarylǵan joq, dep xabarlaidy Ult.kz tilshisi QazAqparat agenttigine silteme jasap.
«Jumys ýaqytynda memlekettik qyzmetshiler meshitke bara ala ma? Ol suraq ta óte mańyzdy. Sebebi Konstitýtsiia boiynsha biz árbir azamattyń quqyqtaryna qurmetpen qarap, sol quqyqtary men bostandyqtaryn saqtaýymyz qajet. Ar-ojdan bostandyǵy da bar bizde. Sondyqtan osy máselege qatysty saliqaly bir sheshim bolady dep senemin. Qazir naqty bir nárse aitý erte. Zańnamalyq ózgerister talqylanǵanda bul máseleni qarap, ortaq sheshimge kelemiz degen oidamyn», - dedi Ermekbaev búgin Úkimet otyrysynan keiin ótken baspasóz máslixatynda.
Aita keteiik, jýrnalisterdiń suraǵyna jaýap bergen ministr saqal jiberý, qysqa balaq pen qara oramal kiip júrýge shekteý qoiýǵa qatysty óz oiyn da bildirdi.
