Elimizde memlekettik qyzmetshiler kásibi merekesin atap ótýde. Memlekettik organdarǵa óz fýnktsiialaryn sapaly oryndaý, tiimdi qyzmet kórsetý, memlekettik damý baǵdarlamalaryn júzege asyrý jáne basqa da mańyzdy mindetter júktelgen. QR Memlekettik qyzmet isteri agenttiginiń tóraǵasy Anar Jaiylǵanova Covid-19 pandemiiasynyń jaǵdaiynda, memlekettik qyzmetshilerge halyq ómiriniń barlyq salalarynyń úzdiksiz jumys isteýin qamtamasyz etý úshin úlken jaýapkershilik júktelgenin atap ótti.
«Osy qiyn kezeńde sizderdiń kúndelikti júieli jáne úilesimdi qyzmetterińizdiń arqasynda memlekettik apparattyń tolyqqandy jumys isteýi qamtamasyz etilýde. Sizderdiń kúsh-jigerlerińiz aldaǵy ýaqytta da Qazaqstannyń memlekettiligin damytýǵa, demokratiiany, eldiń ekonomikalyq damýyn jáne halyqtyń ál-aýqatynyń ósýin qamtamasyz etýge baǵyttalatynyna senemin. Sizderge eldiń igiligi jolynda atqaryp jatqan qyzmetterińiz úshin alǵys bildiremin!», - dedi agenttik basshysy memlekettik qyzmetshilerge arnaǵan quttyqtaýynda.
Atap aitqanda, búginde memlekettik qyzmette 89 myń adam jumys isteidi, onyń 42 myńnan astamy óńirlerde eńbek etýde. Barlyq memlekettik qyzmetkerlerdiń jartysynan astamy – áielder.
«Jyldan jylǵa jastardyń memlekettik qyzmetke degen qyzyǵýshylyǵy artyp keledi. Búginde elimizde 20 myńnan astam jas memlekettik qyzmetkerler bar, onyń ishinde 1500-den astamy túrli basshylyq laýazymdarda jumys isteidi. Memleket basshysy Qasym-Jomart Kemeluly Toqaev jastardy memlekettik qyzmetke tartý máselelerine erekshe kóńil bólýde. Ótken jyly Agenttik Memleket basshysynyń tapsyrmasy boiynsha iske asyrǵan aýqymdy jobalardyń biri Prezidenttik jastar kadr rezervin qalyptastyrý boldy. Qazaqstanda alǵash ret ótkizilgen irikteý formaty elimizdiń barlyq óńirlerinen jáne odan tys jerlerdegi jas azamattardyń edáýir bóligin tartty. Jas, bilikti jáne jigerli basqarýshylar pýly quryldy. Búgingi kúni 142 rezervshi memlekettik qyzmet jáne kvazimemlekettik sektorda jaýapty qyzmetterde jumys isteidi», - dedi A. Jaiylǵanova.
Shynymen de, memlekettik qyzmetshilerdi daiarlaý, qaita daiarlaý jáne biliktiligin arttyrý júiesi qyzmetshilerdi kásibilendirýdiń ajyramas bóligi bolyp sanalady. Jyl saiyn 24 myńǵa jýyq memlekettik qyzmetshi biliktiligin arttyrý men qaita daiarlaýdan ótedi. Osy oraida memlekettik qyzmetshilerdiń sapalyq quramy arttyryldy, meritokratiia jáne kadrlyq turaqtylyq qaǵidatyn saqtaý kórsetkishteri jaqsardy. 2020 jyldyń qorytyndysy boiynsha sheteldik bilimi bar memlekettik qyzmetshilerdiń úlesi 15 paiyzǵa ósti (2 790 adamdy qamtydy).
«Ótken jyly ishki konkýrstardyń nátijeleri boiynsha 7 myńnan astam memlekettik qyzmetshi mansaptyq turǵyda ilgeriledi, bul ishki konkýrstardyń qorytyndylary boiynsha taǵaiyndalǵandardyń jalpy sanynan 55 paiyzdy. Memlekettik qyzmetshiniń jumysy adamnan bilimdilikti, jan-jaqtylyqty, jaýapkershilik pen tózimdilikti qajet etedi. Halyqqa qyzmet etý – qurmetti mamandyq. Sizderdiń árqaisylaryńyz eldi damytýǵa baǵyttalǵan memlekettik baǵdarlamalardy jáne aýqymdy reformalady júzege asyrýǵa eleýli úles qosyp kelesizder», - dedi Anar Jaiylǵanova.
Memqyzmette áielderdiń úlesi 56 paiyz
QR Memlekettik qyzmet isteri agenttiginiń resmi ókili Erhan Tatkenniń atap ótýinshe, memlekettik qyzmette 89 myń adam jumys isteidi. Osy oraida memqyzmetshilerdiń ortasha jasy 39 jas shamasynda eken.
EYDU sarapshylarynyń pikirine qaraǵanda, Qazaqstan kóptegen ozyq eldermen salystyrǵanda jasqa bailanysty toptar teń usynylǵandyqtan, adami kapitaldyń «qartaiýy» siiaqty problemalarǵa kezikpedi.
«Memlekettik qyzmetkerler arasyndaǵy áielderdiń úlesi 56 paiyz. Memlekettik organdardaǵy basshylyq laýazymdardyń jalpy sanynan olar 40 paiyzdy qurady», - dedi resmi ókil.
Jalpy, buǵan deiin Qazaqstandaǵy memqyzmetshilerdiń arasynda kadrlardyń turaqtamaýy taqyryby kóp qozǵalatyn. Osy oraida agenttik tarapynan bul máseleni sheshý úshin tiisti qadamdar jasaldy. Bul turǵyda sońǵy birneshe jylda kadrlardyń ketýiniń indikatory 6 paiyz shamasynda jáne birtindep azaiý úrdisi bar. Statistika boiynsha bul kórsetkish jyly 6,3 paiyz, 2017 jyly – 6,2 paiyz, 2018 jyly – 6,2 paiyz, 2019 jyly 6 paiyz deńgeiinde boldy.
Erhan Tatkenniń sózine qaraǵanda, mansaptyq modeldi iske asyrǵan sátten bastap ishki konkýrstar institýty arqyly laýazymyn joǵarlatqan qyzmetshilerdiń sany 5,5 ese artty (1 348-den 7 343-ke deiin), bul memlekettik apparattyń sabaqtastyǵyn qamtamasyz etti.
Qabyldanǵan sharalar qyzmette tek jeke tájiribe men eńbeginiń nátijesi boiynsha jyljý múmkindigi týraly jalpy senimdi nyǵaitty.
2019 jyly júrgizilgen táýelsiz áleýmettik zertteý nátijelerine sáikes, respondentterdiń 74 paiyzy irikteý rásimin obektivti jáne transparentti dep sanaidy.
Kadrlyq rezervke irikteý salasyna toqtalsaq, qazirgi kezde rezervshilerdiń jalpy (300) sanynan 142 rezervshi (47,3 %) memlekettik organdar men kvazimemlekettik sektordaǵy ár túrli laýazymdarǵa ornalastyryldy. Rezervshiler oblystardyń, qalalardyń ákimderi orynbasarlarynyń, jaýapty hatshylar, aýdan ákimderi men olardyń orynbasarlarynyń, basqarmalardyń jáne bólimderdiń basshylarynyń, bas inpektorlardyń, sondai-aq baǵynysty uiymdar men kvazimemlekettik sektordyń basshy laýazymdaryna taǵaiyndaldy.
