QR indýstriia jáne infraqurylymdyq damý vitse-ministri Amaniiaz Erjanov memlekettik qyzmetkerlerge sheteldik avtomobilderdi satyp alýǵa eki jylǵa tyiym salý týraly máselege qatysty pikirin bildirdi, dep habaralaidy Baq.kz agenttigi.
"Árine, ózekti másele. Birneshe jyldan beri Kedendik odaqtyń aýmaǵynda, iaǵni EAEO aiasynda "ulttyq rejimnen bosatý" túsinigi qoldanylady. Osy jyldar ishinde bizdiń biznes-qaýymdastyq bul múmkindikti qoldanbady jáne paidalanbady. Ótken aptada Úkimette ulttyq rejimnen bosatýdy belgileý týraly qaýly qabyldandy. Oǵan avtomobilder, transformatorlar men kabelder kirdi”, - deidi Amaniiaz Erjanov.
Onyń aitýynsha, bul shekteý otandyq mashina jasaý salasyn qoldaýǵa bailanysty engizilip otyr.
"Memlekettik satyp alý kezinde eki jyldyq shekteý bar. Iaǵni tek otandyq ónimder satyp alynady. Biz osy salalardaǵy kásiporyndarymyzdyń damyǵanyn kútemiz. Kabel óndirisi búginde 80%-ǵa deiin ósti. Osy kúni bizde Qaraǵandy, Pavlodar, Atyraýda ashylǵan kásiporyndar úshin múmkindik bar. Olar qazir "Qazaqtelekom" ótkizip jatqan talshyqty-optikalyq bailanys jelisin salý úshin ónimdi sata alady", - dedi vitse-ministr.
