قر يندۋسترييا جەنە ينفراقۇرىلىمدىق دامۋ ۆيتسە-مينيسترٸ امانيياز ەرجانوۆ مەملەكەتتٸك قىزمەتكەرلەرگە شەتەلدٸك اۆتوموبيلدەردٸ ساتىپ الۋعا ەكٸ جىلعا تىيىم سالۋ تۋرالى مەسەلەگە قاتىستى پٸكٸرٸن بٸلدٸردٸ, دەپ حابارالايدى Baq.kz اگەنتتٸگٸ.
"ەرينە, ٶزەكتٸ مەسەلە. بٸرنەشە جىلدان بەرٸ كەدەندٸك وداقتىڭ اۋماعىندا, ياعني ەاەو اياسىندا "ۇلتتىق رەجيمنەن بوساتۋ" تٷسٸنٸگٸ قولدانىلادى. وسى جىلدار ٸشٸندە بٸزدٸڭ بيزنەس-قاۋىمداستىق بۇل مٷمكٸندٸكتٸ قولدانبادى جەنە پايدالانبادى. ٶتكەن اپتادا ٷكٸمەتتە ۇلتتىق رەجيمنەن بوساتۋدى بەلگٸلەۋ تۋرالى قاۋلى قابىلداندى. وعان اۆتوموبيلدەر, ترانسفورماتورلار مەن كابەلدەر كٸردٸ”, - دەيدٸ امانيياز ەرجانوۆ.
ونىڭ ايتۋىنشا, بۇل شەكتەۋ وتاندىق ماشينا جاساۋ سالاسىن قولداۋعا بايلانىستى ەنگٸزٸلٸپ وتىر.
"مەملەكەتتٸك ساتىپ الۋ كەزٸندە ەكٸ جىلدىق شەكتەۋ بار. ياعني تەك وتاندىق ٶنٸمدەر ساتىپ الىنادى. بٸز وسى سالالارداعى كەسٸپورىندارىمىزدىڭ دامىعانىن كٷتەمٸز. كابەل ٶندٸرٸسٸ بٷگٸندە 80%-عا دەيٸن ٶستٸ. وسى كٷنٸ بٸزدە قاراعاندى, پاۆلودار, اتىراۋدا اشىلعان كەسٸپورىندار ٷشٸن مٷمكٸندٸك بار. ولار قازٸر "قازاقتەلەكوم" ٶتكٸزٸپ جاتقان تالشىقتى-وپتيكالىق بايلانىس جەلٸسٸن سالۋ ٷشٸن ٶنٸمدٸ ساتا الادى", - دەدٸ ۆيتسە-مينيستر.
