Memlekettik qyzmetke úmitkerler ótinimderdi internet arqyly bere alady. Bul týraly QR Memlekettik qyzmet isteri agenttiginiń tóraǵasy Anar Jaiylǵanova aityp berdi, dep habarlaidy "Ult aqparat".
Spikerdiń aitýynsha, úmitkerler internet arqyly ótinim bere alatyn «Memlekettik qyzmetke qabyldaý» portaly úshin iqyzmet.gov.kz domendik ataýy alynǵan.
«Memlekettik qyzmetke qabyldaý» protsesi pilottyq synaqtan ótip jatyr. Jańǵyrtylǵan protsesterdi iske asyrý nátijesinde birqatar nátijeler kútilýde: memlekettik organdardaǵy barlyq kadrlyq protsesterdi ońtailandyrý jáne avtomattandyrý, memlekettik qyzmetshiniń jumysyna qolaily jaǵdai jasaý, kadrlyq is júrgizý aiasynda qalyptasatyn barlyq qujattardy elektrondy formatqa kóshirý (nemese avtomattandyrý esebinen keibir qujattardy qurýdan bas tartý), qyzmetkerlerdi basqarý protsesin baqylaý», - dedi Jaiylǵanova QR Memlekettik qyzmet isteri agenttiginiń alqa otyrysynda.
