© Sputnik / Vladislav Vodnev
QR Memlekettik kúzet qyzmeti bir kúndik jalaqysyn qaza tapqan qyzmetkerlerdiń otbasylaryna jiberedi, dep habarlaidy "Ult aqparat" vedomstvonyń baspasóz qyzmetine silteme jasap.
«Qazaqstan Respýblikasy Memlekettik kúzet qyzmetiniń basshylyǵy men jeke quramy qaza tapqan kúshtik qurylymdar qyzmetkerleriniń ata-anasyna jáne týǵan-týystaryna qaiǵyryp, kóńil aitady.
Beibit halyqty qorǵaý kezindegi olardyń erligi men janqiiarlyq batyrlyǵy – qyzmettik boryshty atqarý men antqa adaldyqtyń úlgisi!
Olardyń erligi árqashan bizdiń júregimizde bolyp, keiingi jas urpaqty tárbieleý isinde úlgi bolady!
Moraldyq qoldaý jáne materialdyq kómek kórsetý maqsatynda, QR Memlekettik kúzet qyzmeti bir kúndik jalaqysyn qaza tapqan qyzmetkerlerdiń otbasylaryna jiberedi», - delingen habarlamada.
