QR Qarjy ministriniń buiryǵymen Marat Eleýsizuly Sultanǵaziev QR Qarjy ministrliginiń Memlekettik kirister komitetiniń tóraǵasy laýazymyna taǵaiyndaldy. Buǵan deiin osy qyzmetti atqarǵan A. Teńgebaev bergen ótinimine sáikes laýazymynan bosatyldy.
Marat Sultanǵaziev 1976 jyly Almaty oblysynda dúniege kelgen. 1997 jyly Abai atyndaǵy Almaty memlekettik ýniversitetin, 2001 jyly — Qazaq memlekettik zań akademiiasyn, 2010 jyly — T. Rysqulov atyndaǵy Qazaq ekonomikalyq ýniversitetin támamdaǵan.
Eńbek jolyn 1997 jyly bastaǵan. 1997–1999 jyldary Almaty qalasynyń Áýezov aýdany boiynsha Salyq bóliminiń birinshi sanattaǵy mamany, salyq inspektory bolyp qyzmet etken.
1999–2001 jyldary — Almaty qalasy boiynsha Salyq komitetiniń salyq inspektory, aǵa salyq inspektory, jetekshi salyq inspektory, bas mamannyń – bas salyq inspektorynyń m.a.
2001–2010 jyldary Almaty qalasy boiynsha Salyq komitetindegi qyzmetin jalǵastyryp, Almaty qalasy boiynsha Salyq departamenti basshysynyń orynbasary laýazymyn atqardy.
2010–2012 jyldary QR Qarjy ministrliginde basshylyq qyzmetterde eńbek etti.
2012–2014 jyldary — QR Prezidenti Ákimshiliginiń Áleýmettik–ekonomikalyq monitoring bóliminiń sektor meńgerýshisi.
2014–2017 jyldary — QR Qarjy ministrliginiń Memlekettik kirister komitetiniń Almaty qalasy boiynsha Memlekettik kirister departamentiniń basshysy.
2017 jylǵy maýsym aiynan bastap qazirgi tańǵa deiin QR Prezidenti Ákimshiliginiń Áleýmettik–ekonomikalyq monitoring bólimi meńgerýshisiniń orynbasary laýazymyn atqarǵan.
