Áli Altynbaev QR Qarjy ministrliginiń Memlekettik kirister komitetiniń tóraǵasy bolyp taǵaiyndaldy, dep habarlaidy "Ult aqparat" QR Premer-Ministrdiń baspasóz silteme jasap.
QR Qarjy ministriniń buiryǵymen Áli Saparǵaliuly Altynbaev QR Qarjy ministrliginiń Memlekettik kirister komitetiniń tóraǵasy qyzmetine taǵaiyndaldy.
Áli Altynbaev 1979 jyly Almaty oblysynda dúniege kelgen. Qazaq memlekettik basqarý akademiiasyn, Turan ýniversitetin, RF Prezidenti janyndaǵy Resei halyq sharýashylyǵy jáne memlekettik basqarý akademiiasyn támamdaǵan.
Mamandyǵy boiynsha biliktiligi: býhgalterlik esep jáne aýdit, quqyqtaný, memlekettik jáne mýnitsipaldy basqarý magistri. Eńbek jolyn 2001 jyly Eńbekshiqazaq aýdany boiynsha Salyq komitetiniń janama salyqtar bóliminiń salyq inspektorynyń m. a. qyzmetinen bastaǵan.
2001-2009 jyldary Eńbekshiqazaq aýdany boiynsha Salyq komitetinde túrli qyzmetter atqarǵan.
2009-2010 jyldary — Almaty oblysy boiynsha Salyq departamentiniń Salyq aýditi basqarmasy zańdy tulǵalar aýditi bóliminiń basshysy.
2010 jyly — Almaty qalasy Túrksib aýdany boiynsha Salyq basqarmasynyń jeke kásipkerlerdiń aqparatyn qabyldaý jáne óńdeý ortalyǵynyń bólim basshysy.
2010-2014 jyldary Almaty qalasy boiynsha Salyq departamentinde túrli laýazymdardy atqarǵan.
2014-2015 jyldary Almaty qalasy boiynsha Memlekettik kirister departamentinde basshylyq qyzmetter atqarǵan.
2015-2017 jyldary — Almaty qalasy Alataý aýdany boiynsha Memlekettik kirister basqarmasynyń basshysy.
2017-2019 jyldary — Almaty qalasy Naýryzbai aýdany boiynsha Memlekettik kirister basqarmasynyń basshysy.
2019-2020 jyldary — QR QM MKK Almaty qalasy boiynsha Memlekettik kirister departamenti basshysynyń orynbasary.
2020-2021 jyldary — QR QM Qarjy monitoringi komiteti Almaty qalasy boiynsha Ekonomikalyq tergeý departamentiniń basshysy.
2021 jylǵy naýryzdan bastap qazirgi ýaqytqa deiin QR Qarjy monitoringi agenttiginiń Almaty qalasy boiynsha Ekonomikalyq tergeý departamentiniń basshysy qyzmetin atqardy.
