Memlekettik organǵa jiberilgen hattyń jai-kúii týraly aqparatty endi Telegram messendjerindegi arnaiy chat-bottan kórýge bolady, dep habarlaidy "Ult aqparat" Qarjy ministrliginiń Memlekettik kirister komiteti baspasóz qyzmetine silteme jasap.
Komitet Telegram mobildi qosymshasy alańynda qurylǵan «KGD_kantselyariya» virtýaldy kómekshisiniń jańa qyzmetin paidalanýdy usynyp otyr.
«KGD_ kantselyariya» virtýaldy kómekshisi qujat ainalymy máselesi boiynsha salyq tóleýshilerge yńǵaily bolýy úshin qurylǵan. Onyń kómegimen ótininish iesi myna aqparatty jedel alýyna bolady: ótinishtiń kiris nómiri men kúni; komitettiń ótinishke bergen jaýabynyń shyǵys nómiri men kúni; salyq tóleýshiniń júginýi boiynsha komitettiń jaýapty oryndaýshysynyń derekteri (aty-jóni jáne telefon nómiri)», delingen habarlamada.
Vedomstvonyń habarlaýynsha, aqparatty alý úshin aty-jónin nemese uiymnyń tolyq ataýyn; ótinish berilgen kúni men shyǵys nómirin chat-botta jazý qajet.
Atalǵan qyzmetti, jumys kúnderi (senbi men jeksenbini qospaǵanda) saǵat 9:00-den bastap 18:30-ǵa deiin paidalanýǵa bolady.
