مەملەكەتتٸك ورگانعا جٸبەرٸلگەن حاتتىڭ جاي-كٷيٸ تۋرالى اقپاراتتى ەندٸ Telegram مەسسەندجەرٸندەگٸ ارنايى چات-بوتتان كٶرۋگە بولادى, دەپ حابارلايدى "ۇلت اقپارات" قارجى مينيسترلٸگٸنٸڭ مەملەكەتتٸك كٸرٸستەر كوميتەتٸ باسپاسٶز قىزمەتٸنە سٸلتەمە جاساپ.
كوميتەت Telegram موبيلدٸ قوسىمشاسى الاڭىندا قۇرىلعان «KGD_kantselyariya» ۆيرتۋالدى كٶمەكشٸسٸنٸڭ جاڭا قىزمەتٸن پايدالانۋدى ۇسىنىپ وتىر.
«KGD_ kantselyariya» ۆيرتۋالدى كٶمەكشٸسٸ قۇجات اينالىمى مەسەلەسٸ بويىنشا سالىق تٶلەۋشٸلەرگە ىڭعايلى بولۋى ٷشٸن قۇرىلعان. ونىڭ كٶمەگٸمەن ٶتٸنٸنٸش يەسٸ مىنا اقپاراتتى جەدەل الۋىنا بولادى: ٶتٸنٸشتٸڭ كٸرٸس نٶمٸرٸ مەن كٷنٸ; كوميتەتتٸڭ ٶتٸنٸشكە بەرگەن جاۋابىنىڭ شىعىس نٶمٸرٸ مەن كٷنٸ; سالىق تٶلەۋشٸنٸڭ جٷگٸنۋٸ بويىنشا كوميتەتتٸڭ جاۋاپتى ورىنداۋشىسىنىڭ دەرەكتەرٸ (اتى-جٶنٸ جەنە تەلەفون نٶمٸرٸ)», دەلٸنگەن حابارلامادا.
ۆەدومستۆونىڭ حابارلاۋىنشا, اقپاراتتى الۋ ٷشٸن اتى-جٶنٸن نەمەسە ۇيىمنىڭ تولىق اتاۋىن; ٶتٸنٸش بەرٸلگەن كٷنٸ مەن شىعىس نٶمٸرٸن چات-بوتتا جازۋ قاجەت.
اتالعان قىزمەتتٸ, جۇمىس كٷندەرٸ (سەنبٸ مەن جەكسەنبٸنٸ قوسپاعاندا) ساعات 9:00-دەن باستاپ 18:30-عا دەيٸن پايدالانۋعا بولادى.
