Memlekettik kirister komiteti Jeke tabys salyǵyn esepteý máselesin túsindirip berdi, dep habarlaidy "Ult aqparat" vedomstvonyń baspasóz qyzmetine silteme jasap.
Komitet esepshilerdiń aryzdanýyna orai, osy ýaqytqa deiin MZJ jáne MÁMS jeke tabys salyǵy salynatyn kiristerden alynyp tastalmaityn habarlady.
«Sondyqtan, jeke tulǵalardyń 11%-ǵa jýyq tabysy da (10% MZJ jáne 1% MÁMS) jeke tabys salyǵymen (JTS) salyqtandyrylatyn. Iaǵni, 100,0 myń teńge tabys tapqan jaǵdaida JTS 10,0 myń teńge qurady, negizi ol 8,9 myń teńge bolýy kerek ((100,0 – 10,0 – 1,0) *10%). Sol sebepten Salyq kodeksine ózgerister engizilgen. Bul rette, MZJ jáne MÁMS-ke salynǵan jeke tabys salyǵyn qaitarý salyqtyq ótinishi boiynsha júrgiziledi», delingen habarlamada.
Komitettiń málimetine, qyzmetkerlerdiń salyǵyn esepteýde býhgalterler úshin (qajetti túzetýler men ózgeristerge bailanysty) qosymsha eńbek shyǵyndaryn týdyratyn ahýal qalyptasqan.
«Búgingi tańda bizdiń elimizdegi qandai da bir qoǵamdyq birlestikter, qaýymdastyqtar jeke tulǵalardyń múddelerin bildirmeidi degen tájiribe qalyptasqan. Sonymen qatar, salyq tóleýshiler-zańdy tulǵalardyń edáýir bóligi óz qyzmetkerlerin azamattyq-quqyqtyq sharttarǵa aýystyrdy, bul áleýmettik senimsizdik pen bolashaqqa degen senimsizdikten basqa, salyq mindettemelerin ońtailandyrý maqsatynda shemalardy teris paidalanýdy týdyrady, atap aitqanda, osyndai qyzmetkerlerden eńbekaqy tóleý qorynan áleýmettik salyq tóleý boiynsha (9,5%).
Biznes sýbektileriniń ótinishi boiynsha, 2018 jáne 2020 jyldardan bastap osy túzetýlerdi qoldaný qajettiligine qaramastan, býhgalterler úshin (qajetti túzetýler men ózgeristerge bailanysty) qosymsha eńbek shyǵyndaryn týdyratyn ahýal qalyptasyp otyr», delingen habarlamada.
Komitettiń habarlaýynsha, osyǵan bailanysty 2018-2020 jj kezeńde júrgizilgen MZJ jáne MÁMS boiynsha shegerimderdi qoldanyp, 2020 jylǵy 10 jeltoqsannan bastalǵan artyq tólengen jeke tabys salyǵyn qaitarýǵa bergen ótinishter qabyldanýy úshin ótpeli erejelerdi qarastyryp, QR Úkimetiniń zań jobalaý jumysy sheńberinde joǵaryda kórsetilgen erejelerdiń qoldanysqa ený merzimin ózgertý týraly másele qaralýy múmkin
