Memlekettik kirister komiteti zeinetaqy jinaǵynyń bir bóligin turǵyn úi jaǵdaiyn jaqsartýǵa, qymbat turatyn emdelý aqysyn tóleýge paidalanǵan kezde jeke tabys salyǵyn ustap qalýǵa qatysty suraqtarǵa jaýap berdi, dep habarlaidy "Ult aqparat".
Investitsiialyq tabysqa salyq salyna ma?
Shynynda da, zeinetaqy tólemderi mindetti zeinetaqy jarnalary, erikti zeinetaqy jarnalary jáne investitsiialyq kiris esebinen qalyptastyrylady.
Jeke tabys salyǵy (JTS) salynatyn kiristi aiqyndaý kezinde jeke tulǵanyń kirisinen mindetti zeinetaqy jarnalary men erikti zeinetaqy jarnalary shegeriletinin eskerý qajet. BJZQ-ǵa aýdarylǵan kezde mundai jarnalarǵa JTS salynbaidy.
Óz kezeginde, investitsiialyq kirister salyq agenti tóleitin basqa da kirister retinde tólem kózinen JTS salynady. Bul jaǵdaida BJZQ salyq agenti bolyp tabylady (Salyq kodeksiniń 321-babynyń 17) tarmaqshasy, 353-babynyń 5-tarmaǵy engizý týraly Zańnyń 33-babynda jazylǵan redaktsiiada).
Tiisinshe, zeinetaqy túrindegi zeinetaqy jinaqtaryn tóleý kezinde, sondai-aq birjolǵy zeinetaqy tólemi túrindegi osyndai kiristerden tólem kózinen JTS Biryńǵai jinaqtaýshy zeinetaqy qorymen ustalady.
Basqaǵa berý kezinde zeinetaqy alymdaryna salyq salyna ma?
Salyq zańnamasynda (Salyq kodeksi jáne Salyq kodeksin engizý týraly Zańnyń 33-baby) Qazaqstan Respýblikasynyń zeinetaqymen qamsyzdandyrý týraly zańnamasyna sáikes birjolǵy zeinetaqy tólemi bar jeke tabys salyǵyn (JTS) esepteýge, ustap qalýǵa jáne tóleýge qatysty erejeler kózdelgen (tiisinshe 353-1 jáne 351-1-baptar). Bul rette JTS bir mezgilde ustalatyn jaǵdailar kózdelgen.
Sonymen birge, jeke tulǵa basqa jeke tulǵadan óteýsiz negizde alǵan jumystar men qyzmetterdi qosa alǵanda, onyń ishinde syiǵa tartý jáne muragerlik túrinde múlik salyq salynatyn kiristen alyp tastalady (iaǵni JTS salynbaidy).
Bul norma Biryńǵai jinaqtaýshy zeinetaqy qory jáne erikti jinaqtaýshy zeinetaqy qorlary tóleitin muraǵa qaldyrylǵan zeinetaqy jinaqtaryna qoldanylmaidy (Salyq kodeksiniń 341-baby 1-tarmaǵynyń 33) tarmaqshasy).
Tiisinshe syiǵa tartý arqyly berilgen birjolǵy zeinetaqy jinaqtary osyndai syidy qabyldaǵan jeke tulǵanyń salyq salynatyn kirisinen alyp tastalady. Iaǵni, syi alýshy jeke tulǵada JTS ustalmaidy.
Bul JTS-ti osyndai tólemdi bergen tulǵa ǵana tóleitinin bildiredi.
Budan buryn MKK-da JTS somasyn ustap qalýdy jeke tulǵanyń tańdaýy boiynsha eki tásildiń birimen JTS ustap qalý týraly ótinish negizinde «Biryńǵai jinaqtaýshy zeinetaqy qory» AQ (BJZQ) júrgizetini habarlanǵan bolatyn:
1) bir ret - BJZQ ýákiletti operatorǵa aýdarǵan kezde;
2) BJZQ belgilegen keste boiynsha (zeinetaqy aýdarý bastalǵan kelesi aidan bastap) 16 jyldan aspaityn merzim ishinde ai saiyn teń úlestermen júzege asyrylady.
